సత్య సుందరం ఎమోషనల్ హగ్.. ఎందుకు డిలీట్ చేశారు సార్..?

96 సినిమాతో ప్రేక్షకులను మెప్పించిన దర్శకుడు ప్రేమ్ కుమార్ ఆరేళ్ల తర్వాత అతను చేసిన రెండో ప్రయత్నం మేయలగన్.. అదే తెలుగులో సత్యం సుందరంగా రిలీజైంది. ఎన్టీఆర్ దేవర రిలీజ్ అయిన టైం లోనే తెలుగు ప్రేక్షకుల ముందుకు వచ్చిన ఈ సినిమా ప్రేక్షకుల నుంచి మంచి రెస్పాన్స్ తెచ్చుకుంది. కమర్షియల్ గా వర్క్ అవుట్ అయ్యిందా లేదా అన్నది పక్కన పెడితే ఈ ఎమోషనల్ రైడ్ సినిమా ఓటీటీలో రిలీజ్ అయ్యాక మాత్రం సోషల్ మీడియాలో ఓ రేంజ్ లో చర్చకు కారణమైంది.

థియేటర్ లో వచ్చిన ప్రతి సినిమా చూడలేమని కొన్నిసార్లు మంచి సినిమాలను స్కిప్ చేస్తుంటాం అలాంటి వాటిలో సత్యం సుందరం ఒకటని ఆడియన్స్ ఫీల్ అవుతున్నారు. ప్రస్తుతం ఓటీటీలో రిలీజైన ఈ సినిమా గురించి సోషల్ మీడియా అంతా హాడావిడి జరుగుతుంది. ప్రస్తుతం ఉన్న జనరేషన్ లో బంధాలు, బంధుత్వాలు ఎలా ఉన్నాయి. అసలు ఎవరిని గుర్తు పెట్టుకోలేనంత బిజీగా ఉన్నారన్న కాన్సెప్ట్ తో ఎమోషనల్ కథగా సత్యం సుందరం వచ్చింది.

ఈ సినిమాలో కార్తి ఇన్నోసెన్స్, అరవింద్ స్వామి నటన ఆకట్టుకున్నాయి. చాలా కాలం తర్వాత ఇద్దరు కలిస్తే ఎలా వారి మధ్య ప్రేమ ఆప్యాయతలు ఉంటాయన్నది ఈ సినిమాలో చూపించారు. ప్రేమ్ కుమార్ 96 సినిమా కూడా ఒకరోజు రాత్రి జరిగే కథగానే తెరకెక్కించారు. ఇప్పుడు మేయళగన్ అదే సత్యం సుందరం కూడా ఒక రాత్రి జరిగే కథగానే చూపించారు. కానీ సినిమాలో ప్రతి సీన్ చాలా ఎమోషనల్ గా హార్ట్ టచింగ్ గా ఉంటుంది. ఐతే ఈ సినిమా నుంచి ఒక డిలీటెడ్ సీన్ సోషల్ మీడియాలో వైరల్ అవుతుంది.

సినిమా ఎండింగ్ లో సత్యం సుందరం ఇంటికి వెళ్లి డోర్ దగ్గర ఉండి ఈ సత్యం నీ కోసం వచ్చాడ్రా సుందరం అంటాడు. వెంటనే కార్తి డోర్ తీస్తే సినిమా టైటిల్ పడుతుంది. కానీ డిలీటెడ్ సీన్స్ లో డోర్ తీసుకుని వచ్చి అరవింద్ స్వామిని కార్తి హగ్ చేసుకుంటాడు.. వెంటనే వారి చిన్నప్పటి సీన్ వస్తుంది. మరి ఈ సీన్ ని ఎందుకు డైరెక్టర్ డిలీట్ చేశాడో తెలియదు కానీ అది కూడా ఉండి ఉంటే బాగుండేదని ఆడియన్స్ అంటున్నారు.

సత్యం పాత్రలో అరవింద్ స్వామి.. సుందరం పాత్రలో కార్తి ఇద్దరు తమ బెస్ట్ ఇచ్చారు. కార్తి అయితే తన అమాయకత్వంతో అలరించాడు. ఇద్దరు తమ పాత్రలకు పూర్తి న్యాయం చేయడం వల్లే సినిమా ఇంత ఇంపాక్ట్ క్రియేట్ చేసింది.