సీరత్ కపూర్.. లుక్స్ తోనే సెగలు పుట్టిస్తోంది

సీరత్ కపూర్ ఇటీవల కాలంలో సినిమాల్లో ఎక్కుగా కనిపించకపోయినా కూడా తన గ్లామర్ ఫోటోషూట్లతో యూత్‌కి ప్రత్యేక ఆకర్షణగా మారింది. తాజాగా ఇన్‌స్టాగ్రామ్‌లో "ఫైర్ అండ్ ఐస్ లీథల్ కాంబినేషన్" అనే క్యాప్షన్‌తో పోస్ట్ చేసిన ఫోటోలు వైరల్ అవుతున్నాయి. గోల్డెన్ గౌన్‌లో మెరిసిపోతూ, తన అద్భుతమైన ఎక్స్‌ప్రెషన్లతో యూత్‌ని మంత్ర ముగ్ధులను చేసిన ఈ అందాల భామ, తన గ్లామర్ ప్రెజెన్స్‌తో అందరి దృష్టిని ఆకర్షిస్తోంది.

సీరత్ ఈ లుక్‌తో మరింత పాపులారిటీని సాధిస్తూ సోషల్ మీడియాలో హాట్ టాపిక్‌గా నిలుస్తోంది. సీరత్ కపూర్‌ కెరీర్ గురించి చెప్పుకోవాలంటే, ఈ అమ్మడు సినిమాల్లో తన ప్రస్థానాన్ని తెలుగులో ప్రారంభించింది. 2014లో వచ్చిన 'రన్ రాజా రన్' చిత్రం ద్వారా టాలీవుడ్‌లోకి అడుగు పెట్టింది. మొదటి సినిమా నుంచే తన పెర్ఫార్మెన్స్‌తో ప్రేక్షకులను ఆకట్టుకొని మంచి గుర్తింపును తెచ్చుకుంది.

ఈ చిత్రంలో తన నైజమైన నటనతో యువతకు క్రష్‌గా మారిపోయిన సీరత్, తరువాత 'టైగర్', 'కృష్ణ అండ్ హిజ్ లీలా', 'మా వినతా' వంటి చిత్రాల్లో కూడా నటించి తన ప్రతిభను చూపించింది. ఇటీవల సీరత్ 'భామాకలాపం 2', 'మనమే' వంటి చిత్రాల్లో కనిపించి తన యాక్టింగ్ స్కిల్స్‌ను మరింత మెరుగుపర్చింది. తక్కువ సమయంలోనే మంచి పేరు తెచ్చుకున్న ఈ ముద్దుగుమ్మ, సోషల్ మీడియాలో సైతం యమ యాక్టివ్‌గా ఉంటుంది.

ప్రస్తుతం సీరత్ కపూర్ తన అందంతో పాటు, అభినయంతో కూడా ప్రేక్షకుల్ని ఆకర్షించే ప్రయత్నం చేస్తోంది. ఈ మధ్యకాలంలో ఫోటోషూట్ల ద్వారా కూడా సీరత్ తన ప్రత్యేకతను చాటుకుంటోంది. బోల్డ్ మరియు గ్లామర్ లుక్‌తో యూత్‌కి ఫ్యాషన్ ఐకాన్‌గా నిలుస్తున్న సీరత్, తన క్రేజ్‌ను మరింత పెంచుకుంటూ టాలీవుడ్‌లో మంచి అవకాశాల కోసం ఎదురుచూస్తుంది. మరి ఆమె అందానికి తగ్గట్టుగా ఏమైనా కొత్త అవకాశాలు వస్తాయో లేదో చూడాలి.