పుష్ప 2... సెల్వ రాఘవన్‌ బోనస్ కామెంట్స్‌!

అల్లు అర్జున్‌ హీరోగా రష్మిక మందన్న హీరోయిన్‌ గా సుకుమార్‌ దర్శకత్వంలో రూపొందుతున్న పుష్ప 2 పై అంచనాలు ఆకాశాన్ని తాకేలా ఉన్నాయి. ఆగస్టు లో విడుదల అవ్వబోతున్న ఈ సినిమా నుంచి ఒక్కో పాట చొప్పున విడుదల చేస్తూ వస్తున్నారు.

తాజాగా రెండో పాట సూసేకి అగ్గి రవ్వ ను ప్రేక్షకుల ముందుకు తీసుకు వచ్చారు. అల్లు అర్జున్ మరియు రష్మిక మందన్నల డ్యూయెట్‌ గా సాగే ఈ పాటకు మంచి మార్కులు పడ్డాయి. దేవి శ్రీ ప్రసాద్‌ మరోసారి నా సామి తరహా పాట ఇచ్చాడు అంటూ ఫ్యాన్స్ ఆనందం వ్యక్తం చేస్తున్నారు.

శ్రేయా ఘోషల్‌ పాడిన ఈ పాట ఇప్పటికే యూత్‌ లో పిచ్చెక్కిస్తుంది. తాజాగా ప్రముఖ తమిళ దర్శకుడు సెల్వ రాఘవన్ స్పందించాడు. సూసేకి పాట చాలా బాగుందని, ఇంట్రెస్టింగ్‌ గా ఉందని పేర్కొన్నాడు. పుష్ప 2 సత్తా ఏమిటో తెలియాలంటే ఈ ఒక్క పాట చాలు... మిగిలినది అంతా కూడా బోనస్‌ అంటూ కామెంట్ చేశాడు.

సెల్వ రాఘవన్ వంటి స్టార్‌ దర్శకుడు పుష్ప 2 పాట పై చేసిన వ్యాఖ్యలు సినిమా స్థాయిని మరింతగా పెంచాయి. సెల్వ ట్వీట్‌ కి అల్లు అర్జున్‌ స్పందించారు. థ్యాంక్యూ సెల్వ గారు, సో స్వీట్‌ ఆఫ్‌ యు అంటూ రిప్లై ఇచ్చారు. తప్పకుండా ఈ సినిమా ఆకట్టుకుంటుంది అనే నమ్మకంను యూనిట్‌ సభ్యులు అంతా వ్యక్తం చేస్తున్నారు.

పుష్ప 1 వచ్చి రెండేళ్లు అయినా కూడా ఇంకా ఆ ఎఫెక్ట్‌ ఉంది. కనుక పుష్ప 2 సినిమా అంతకు మించిన విజయాన్ని సొంతం చేసుకోవడం మాత్రమే కాకుండా వెయ్యి కోట్ల మార్క్ ను టచ్ చేసే అవకాశాలు ఉన్నాయి అంటూ బన్నీ ఫ్యాన్స్ నమ్మకంగా ఉన్నారు.