బాబోయ్ ఇదేం ఎనర్జీ బాసు..!

సీనియర్ స్టార్ హీరోలు ఈమధ్య తమ దూకుడు పెంచారని చెప్పొచ్చు. స్టార్ హీరోలతో కాదు యువ హీరోలతో ఏమాత్రం రాజీ పడకుండా అదరగొట్టేస్తున్నారు. దశాబ్దాలుగా ఫ్యాన్స్ ని అలరిస్తూ వస్తున్న వారు ఇప్పటికీ అదే ఫోకస్ తో పనిచేస్తూ అలరిస్తున్నారు. సీనియర్ స్టార్స్ అంతా కూడా ఈమధ్య తన హంగామాతో ఫ్యాన్స్ కి సూపర్ ట్రీట్ అందిస్తున్నారు. మెగాస్టార్ చిరంజీవి వరుస సినిమాలతో దూసుకెళ్తున్నాడు. ఐతే చిరు కథల విషయంలో కాస్త తడపడుతున్నాడన్న టాక్ ఉంది.

మెగా ఫ్యాన్స్ కూడా చిరుని రెగ్యులర్ సినిమాల్లో చూడాలని అనుకోవట్లేదు. మరోపక్క నందమూరి బాలకృష్ణ సింహ గర్జన అదిరిపోతుంది. రీసెంట్ గా వచ్చిన డాకు మహారాజ్ తో బాలయ్య వరుసగా నాలుగో సూపర్ హిట్ అందుకున్నాడు. ఈమధ్య బాలకృష్ణ ఏ కథ చేసినా ఏ డైరెక్టర్ తో చేసినా అది ఒక రేంజ్ లో వర్క్ అవుట్ అవుతుంది. అది ఆయన ఎనర్జీని మరోసారి ఫ్యాన్స్ కి, ఆడియన్స్ కి తెలిసేలా చేస్తుంది.

ఇక విక్టరీ వెంకటేష్ కూడా సంక్రాంతికి వస్తున్నాం సినిమాతో బ్లాక్ బస్టర్ హిట్ అందుకున్నాడు. వెంకటేష్ సినిమా హిట్ అయితే దాని రిజల్ట్ ఎలా ఉంటుందో సంక్రాంతికి వస్తున్నాం సినిమా కలెక్షన్స్ చూస్తే అర్ధమవుతుంది. మొన్నటిదాకా ఫ్యామిలీ ఆడియన్స్ థియేటర్ కి వచ్చి సినిమా చూస్తారా అనుకున్న వారు సైతం వెంకటేష్ సినిమా చూడటానికి వస్తారని ప్రూవ్ చేశారు. ఐతే వెంకటేష్ సంక్రాంతికి వస్తున్నాం సినిమాకు పెట్టిన ఎఫర్ట్ నెక్స్ట్ లెవెల్ అని చెప్పొచ్చు.

ఏడో సినిమా కమిటయ్యాం షూటింగ్ చేశామా మొక్కుబడిగా ఒకటి రెండు ఇంటర్వ్యూస్, రెండు ప్రమోషనల్ ఈవెంట్స్ లో పాల్గొన్నామా అన్నట్టు కాకుండా సినిమా రిలీజ్ ముందు రిలీజ్ తర్వాత రెండు వారాలు అవుతున్నా అదే ఎనర్జీతో ప్రమోషన్స్ చేస్తున్నారు. రీసెంట్ గా సంక్రాంతికి వస్తున్నాం సినిమా భీమవరం ప్రమోషన్స్ లో వెంకటేష్ చేసిన హంగామా చూసి సినిమా మీద ఆయనకున్న కమిట్మెంట్ ఎలాంటిదో అర్ధమయ్యింది.

సీనియర్ స్టార్స్ లో కింగ్ నాగార్జున ఓ పక్క సినిమాలు చేస్తూ మరోపక్క తన హోస్టింగ్ టాలెంట్ తో మెప్పిస్తున్నాడు. ఐతే నాగార్జున కూడా లాస్ట్ ఇయర్ సంక్రాంతికి నా సామిరంగ తో హిట్ అందుకోగా ప్రస్తుతం సోలో కథల కోసం వెయిట్ చేస్తున్నాడు. ఆయన కూడా సరైన కథ పడితే అదరగొట్టాలని చూస్తున్నారు.