సేతుపతి వారసుడు వస్తున్నాడు..

సౌత్ ఇండియాలో విలక్షణ నటుడిగా తనకంటూ ప్రత్యేకమైన గుర్తింపుని విజయ్ సేతుపతి సొంతం చేసుకున్నారు. హీరోగా, విలన్ గా భిన్నమైన పాత్రలు చేస్తూ చేస్తున్నారు. ఈ ఏడాది జవాన్ మూవీతో విజయ్ సేతుపతి ప్రేక్షకుల ముందుకి వచ్చారు. ఈ సినిమాలో పవర్ ఫుల్ విలన్ గా చేసి నటనతో మెప్పించాడు. వారసుల పిల్లలు కూడా హీరోగా ఎంట్రీ ఇచ్చి సక్సెస్ అవుతోన్న సంగతి తెలిసిందే.

ఇప్పుడు విజయ్ సేతుపతి కొడుకు సూర్య కూడా తండ్రి బాటలోనే హీరోగా ఎంట్రీ ఇవ్వబోతున్నాడు. తండ్రిలాగే విలక్షణ నటుడిగా గుర్తింపు తెచ్చుకోవాలని మొదటి సినిమానే డిఫరెంట్ కాన్సెప్ట్ తో చేస్తూ ఉండటం విశేషం. ఫీనిక్స్ టైటిల్ తో తెరకెక్కబోతోన్న ఈ సినిమా రెగ్యులర్ షూటింగ్ త్వరలో ప్రారంభం కానుంది. రీసెంట్ గా పూజా కార్యక్రమాలతో ప్రారంభం అయ్యింది.

సూర్య ఇప్పటికే నటనలో శిక్షణ తీసుకొని హీరోగా ఎంట్రీ ఇవ్వడం కోసం ఎదురుచూస్తున్న తరుణంలో ఫినిక్స్ మూవీ చేసే అవకాశం వచ్చింది. ఫైట్ మాస్టర్ అనల్ అరసు దర్శకత్వంలో ఈ సినిమా తెరకెక్కనుంది. ఈ సినిమా ఫస్ట్ లుక్ కూడా రిలీజ్ చేశారు. తండ్రి ఇమేజ్ తనపై పడకుండా నటుడిగా ఎదిగే ప్రయత్నం చేస్తానని ఇప్పటికే సూర్య చెప్పాడు.

భవిష్యత్తులో కూడా సూర్యగానే ఇమేజ్ పెంచుకుంటా అని క్లారిటీ ఇచ్చారు. యాక్షన్ అండ్ స్పోర్ట్స్ బ్యాక్ డ్రాప్ లో ఈ మూవీ తెరకెక్కనున్నట్లు తెలుస్తోంది. పెద్ద పెద్ద సినిమాలకి అనల్ అరసు ఫైట్ మాస్టర్ గా వర్క్ చేశారు. ఇప్పుడు ఆయన అనుభవాన్ని జోడించి దర్శకుడిగా మొదటి సినిమా చేయబోతున్నారు. ఈ మూవీ హిట్ అయితే అటు సూర్య సేతుపతికి మంచి గుర్తింపు వచ్చే ఛాన్స్ ఉంది.

అలాగే కోలీవుడ్ లో స్టార్ డైరెక్టర్ శివ తరహాలో ఇమేజ్ పెంచుకోవడానికి అనల్ అరసుకి అవకాశం దొరుకనుంది. మరి ఫినిక్స్ మూవీ వారి ఫేట్ ని ఎలా మారుస్తుందనేది వేచి చూడాలి. విజయ్ సేతుపతి అయితే ఇప్పటి వరకు కొడుకు హీరోగా ఎంట్రీ ఇస్తోన్న విషయంపై ఎక్కడా స్పందించలేదు. తనలాగే కష్టపడి అవకాశాలు తెచ్చుకొని గుర్తింపు తెచ్చుకోవాలనే ఆలోచనలోనే అతన్ని ప్రోతహిస్తున్నాడు.