కామ్ గోయింగ్ హీరో నోట అలాంటి కామెంట్లా?

బాలీవుడ్ న‌టుడు షాహిద్ క‌పూర్ ఓ పాడ్ కాస్ట్ లో చేసిన వ్యాఖ్య‌లు బాలీవుడ్ లో వివాదాస్ప‌దంగా మారిన సంగ‌తి తెలిసిందే. స‌ల్మాన్ ఖాన్, దీపికా ప‌దుకొణే, ర‌ణ‌వీర్ సింగ్ ల మీద ప‌రోక్షంగా సెటెర్లు గుప్పించిన‌ట్లు వార్త లొస్తున్నాయి. ప్ర‌త్యేకంగా స‌ల్మాన్ ఖాన్ ని టార్గెట్ చేసిన‌ట్లు పెద్ద ఎత్తున ప్ర‌చారం జ‌రుగుతోంది. కొంద‌రు స్టార్లు జ‌నాల్ని చూసేస‌రికి ఫోజులు కొడ‌తార‌ని...అటెన్ష‌న్ అంతా త‌మ‌వైపే ఉండాల‌ని....అటు ఇటూ చూడకుండా సీరియ‌స్ గా న‌టుడుచుకుని వెళ్లిపోతార‌ని...జ‌నాల్లో క్రేజ్ కోసం ఇదో ర‌క‌మైన స్ట్రాట‌జీని అప్లై చేస్తార‌ని షాహిద్ అన్నాడు.

అయితే ఈ వ్యాఖ్య‌లు అన్న‌ది కేవ‌లం స‌ల్మాన్ ఖాన్ ని ఉద్దేశించ‌ని అభిమానులు భావించి షాహిద్ క‌పూర్ ని ట్రోల్ చేయ‌డం మొద‌లు పెట్టారు. దీంతో షాహిద్ క‌పూర్ వివ‌ర‌ణ ఇచ్చుకోవాల్సి వ‌చ్చింది. స‌ల్మాన్ ఖాన్ మీద విమ‌ర్శ‌లు చేయ‌డానికి నేను ఎవ‌రిని. ఆయ‌న చాలా సీనియ‌ర్. ఆయ‌నంటే నాకెంతో గౌర‌వం ఉంది. అలాంటి వ్య‌క్తిని అలా మాట్లాడుతాన‌ని ఎలా అనుకుంటున్నారు? నా గురించి త‌ప్పుగా అనుకుంటున్నార‌నే ఈ వివ‌ర‌ణ ఇస్తున్నా అన్నారు.

అలాగే షాహిద్ క‌పూర్ నటించిన క‌బీర్ సింగ్ రిలీజ్ అయిన‌ప్పుడు త‌న రేంజ్ చాలా చిన్న‌ద‌ని, అదే స‌మ‌యంలో పోటీగా ఉన్న మ‌రో సినిమా పీఆర్ టీమ్ త‌న‌పై నెగిటివ్ గా ప్ర‌చారం చేయించింద‌ని ఆరోపించాడు. దీంతో ఆ కామెంట్ ఎవరిని ఉద్దేశించి షాహిద్ క‌పూర్ చేసాడు అని అభిమానులు చర్చించుకుంటున్నారు.

అయితే దీనిపై షాహిద్ క‌పూర్ ఎలాంటి విర‌ణ ఇవ్వ‌లేదు. షాహిద్ క‌పూర్ అంటే బాలీవుడ్ లో కామ్ గోయింగ్ హీరోగా పేరుంది. అత‌డు ఇంత‌వ‌ర‌కూ ఎలాంటి వివాదాల్లోనూ వేలు పెట్ట‌లేదు. వివాదాస్ప‌ద వ్యాఖ్య‌లు ప్ర‌త్య‌క్షంగా గానీ, ప‌రోక్షంగాగానీ చేయ‌లేదు. కానీ తొలిసారి పాడ్ కాస్ట్ లో నోరు జార‌డంతో అడ్డంగా బుక్కైన‌ట్లు అయింది.