అలా మార్చి చేస్తే అది ఐకానిక్ ఫోజు అయ్యిందా..?

సినిమాల్లో కొన్ని మూమెంట్స్ అభిమానులకు, ప్రేక్షకులకు ఎప్పటికీ గుర్తుండిపోతాయి. అలా ఐకానిక్ ఫోజుల్లో షారుఖ్ ఖాన్ అలా చేతులు రెండు చాచి హీరోయిన్ ముందు నిలబడటమే. దిల్ వాలే దుల్హనియా లేజాయేంగే సినిమాలో షారుఖ్ ఖాన్ ఇచ్చిన ఆ ఫోజు గురించి లేటెస్ట్ గా ఒక సీక్రెట్ రివీలైంది. ఆ సినిమాలో ఒక సాంగ్ లో కొరియోగ్రాఫర్ కాళ్లతో ఒక స్టెప్ చెప్పాడు. ఐతే అది తనకు రాకపోవడంతో కొరియోగ్రాఫర్ మళ్లీ దాన్ని మార్చి చేతులు రెండు చాచండి అని చెప్పాడట. అలా చేయి చాచిన స్టిల్ అదిరిపోయింది. ఆ టైం లో దాదాపు అన్ని పోస్టర్స్ లో ఇది వేశారు.

అలా షారుఖ్ ఖాన్ అనగానే అందరు ఐకానిక్ ఫోజుని రీ క్రియేట్ చేసే వారు. ఇలా తన ఐకానిక్ ఫోజు వెనక ఉన్న సీక్రెట్ ని బయట పెట్టారు షారుఖ్ ఖాన్. రీసెంట్ గా ఆయన స్విట్జర్లాండ్ లో జరిగిన లోకార్నో ఫిల్మ్ ఫెస్టివల్స్ లో పాల్గొన్నాడు. 75వ లోకార్నో ఫిల్మ్ ఫెస్టివల్ లో పాల్గొన్న షారుఖ్ స్విట్జర్లాండ్ లో తన సినిమాల షూటింగ్ గురించి చెప్పుకొచ్చారు. ఐతే ఈ ఫిల్మ్ ఫెస్టివల్ లో షారుఖ్ ఖాన్ పార్డో అల్లా కెరియరా అవార్డుని అందుకున్నారు.

ఈ అవార్డు అందుకున్న మొదటి భారతీయ నటుడిగా షారుఖ్ ఖాన్ రికార్డ్ సృష్టించారు. షారుఖ్ ఖాన్ సినిమాలు వరల్డ్ సినీ లవర్స్ అంతా కూడా ఎంజాయ్ చేస్తారు. ఇక ఈ వేడుకల్లో పాల్గొన్న ఆయన తన సినిమాల్లో మహిళలకు ఎక్కువ ప్రాధాన్యత ఇస్తానని.. మహిళా దర్శకులతో కూడా పనిచేస్తానని అన్నారు. మహిళలే కొత్తగా ఆలోచిస్తారని అందుకే వారితో పనిచేయడం కోసం ఎప్పుడు ప్రయత్నిస్తానని అన్నారు.

షారుఖ్ ఖాన్ ఐకానిక్ ఫోజ్ ప్రతి వేడుక మీద చేస్తుంటారు. ఐతే ఈ ఫోజు రీ క్రియేట్ చేయడం వల్ల అది గిన్నీస్ బుక్ రికార్డుల్లో కూడా ఎక్కింది. ఐతే గిన్నీస్ రికార్డ్ ఎక్కిన ఈ ఫోజు వెనక ఉన్న సీక్రెట్ చెప్పి అందరికీ షాక్ ఇచ్చారు బాద్షా. ఇక షారుఖ్ సినిమాల విషయానికి వస్తే కొన్నాళ్లుగా అసలేమాత్రం ఫాం లో లేని షారుఖ్ లాస్ట్ ఇయర్ పఠాన్, జవాన్, డుంకి సినిమాల్తో తిరిగి ఫాం లోకి వచ్చారు. షారుఖ్ ఖాన్ స్టామినా ఏంటన్నది లాస్ట్ ఇయర్ ఆయన సినిమాల బాక్సాఫీస్ కలెక్షన్స్ చూపించాయి.