మరోసారి ఎన్టీఆర్ శక్తి కాంబినేషన్?

గ్లోబల్ స్టార్ గా తనకంటూ బ్రాండ్ క్రియేట్ చేసుకొని జూనియర్ ఎన్టీఆర్ ప్రస్తుతం దూసుకుపోతున్నారు. కొరటాల శివ దర్శకత్వంలో దేవర సినిమా ని పూర్తి చేసే పని లో ఫుల్ బిజీ గా ఉన్నారు. హైవోల్టేజ్ యాక్షన్ బ్యాక్ డ్రాప్ కథతో ఈ చిత్రం తెరకెక్కుతోన్న సంగతి తెలిసిందే. ఇప్పటికే ఈ చిత్రం నుంచి తారక్ లుక్ బయటకొచ్చింది. కంప్లీట్ ఫిక్షన్ కథాంశంతో ఐలాండ్ బ్యాక్ డ్రాప్ లో సినిమా స్టొరీ ఉండబోతోందని తెలుస్తోంది.

ఇదిలా ఉంటే దీని తర్వాత హిందీ లో యష్ రాజ్ ఫిలిమ్స్ లో వార్ 2 చిత్రాన్ని తారక్ చేయనున్నాడు. హృతిక్ రోషన్ తో కలిసి ఈ మూవీ లో జూనియర్ ఎన్టీఆర్ నటించబోతున్నారు. కంప్లీట్ యాక్షన్ బ్యాక్ డ్రాప్ కథతోనే ఈ చిత్రం తెరకెక్కనుంది. దీని తర్వాత ప్రశాంత్ నీల్ దర్శకత్వంలో పాన్ ఇండియా సినిమా వచ్చే ఏడాది స్టార్ట్ అయ్యే అవకాశాలు కనిపిస్తున్నాయి. ఇలా వరుసగా పెద్ద ప్రాజెక్ట్ లు తారక్ లైన్ లో పెట్టారు.

ఇవి కాకుండా వెట్రిమారన్ ఇప్పటికే జూనియర్ ఎన్టీఆర్ కి కథ చెప్పి ఒకే చేయించుకున్నట్లు టాక్ నడుస్తోంది. అలాగే అత్లీ దర్శకత్వంలో జూనియర్ ఎన్టీఆర్ హీరోగా ఒక మూవీ ఉంటుందని ఎప్పటినుంచో ప్రచారంలో ఉంది. అది ఇప్పుడు ఫైనల్ అయ్యే ఛాన్స్ ఉన్నట్లు తెలుస్తోంది. వైజయంతీ మూవీస్ బ్యానర్ లో అశ్వినీదత్ జూనియర్ ఎన్టీఆర్ తో ఒక సినిమా చేయడానికి ప్లాన్ చేస్తున్నారు.

గతం లో ఈ కాంబినేషన్ లో శక్తి మూవీ వచ్చి డిజాస్టర్ అయ్యింది. అయితే ఈ సారి మాత్రం పక్కా హిట్ కొట్టాలనే లక్ష్యంగా ఉన్నారు. అందులో భాగంగా అత్లీతో పాటు మరో ఇద్దరు స్టార్ దర్శకుల కథలు వింటున్నారంట. వీరిలో అత్లీ ఖరారు అయ్యే అవకాశాలు ఉన్నాయని టాక్. ప్రస్తుతం ఈ దర్శకుడు షారుఖ్ తో చేసిన జవాన్ మూవీ ని రిలీజ్ చేయడానికి రెడీ అవుతున్నారు.

దీని తర్వాత ఇళయదళపతి విజయ్ తో సినిమా స్టార్ట్ అయ్యే అవకాశాలు ఉన్నాయి. అది కంప్లీట్ అయ్య్యాక వైజయంతీ బ్యానర్ లో జూనియర్ ఎన్టీఆర్ తో సినిమా చేసే అవకాశాలు ఉన్నాయనే మాట వినిపిస్తోంది. ఈ లోపు అశ్వినీదత్ కూడా కల్కి 2898 ఏడీ మూవీ రెండు భాగాలు రిలీజ్ చేసే ఛాన్స్ ఉంటుంది.