ముళ్ల కొమ్మ‌కు తెల్ల గులాబీ పూసింది

ప‌రిశ్ర‌మ‌లో చాలామంది స్టార్ల పిల్ల‌లు న‌టులుగా మారుతున్నారు. షారూఖ్‌, శ్రీ‌దేవి, కాజోల్, ర‌వీనా టాండ‌న్, పాల‌క్ తివారీ వంటి ప్రముఖుల కిడ్స్ న‌ట‌నారంగేట్రం గురించి నిరంత‌రం చ‌ర్చ సాగుతోంది. అలాగే న‌టుడు సంజ‌య్ క‌పూర్ (అనీల్ క‌పూర్ సోద‌రుడు) కుమార్తె షాన‌యా క‌పూర్ ప్ర‌స్తుతం త‌న డెబ్యూ చిత్రంలో న‌టిస్తూ బిజీగా ఉంది. త్వ‌ర‌లోనే ఈ భామ న‌టించిన మొద‌టి సినిమా థియేట‌ర్ల‌లోకి రానుంది. ఇంత‌లోనే ఈ బ్యూటీ బాలీవుడ్ స‌ర్కిల్స్ లో హాట్ టాపిక్ గా మారింది.

సుహానా, అన‌న్య, సారా లాంటి స్టార్ల‌కు స్నేహితురాలు అయిన షాన‌యా క‌పూర్ ని గుర్తు ప‌ట్ట‌డం పెద్ద క‌ష్ట‌మేమీ కాదు. తొలి సినిమాలో న‌టిస్తున్న ఈ బ్యూటీ వ‌రుస ఫోటోషూట్లు ఇప్ప‌టికే ఇంట‌ర్నెట్ ని హీటెక్కించాయి. ఇప్పుడు మ‌రోసారి అద్భుత‌మైన ఫోటోషూట్ తో అభిమానుల ముందుకు వ‌చ్చింది. సోష‌ల్ మీడియాలో ఈ ఫోటోషూట్ ని షాన‌య స్వ‌యంగా షేర్ చేసింది.

ఈ లుక్ చూడ‌గానే.. అంద‌మైన గులాబీ బాల‌..! అంటూ అభిమానులు ప్ర‌శంస‌లు కురిపిస్తున్నారు. ఆకాశం నుంచి దిగి వ‌చ్చిన పారిజాతం అంటూ పొగిడేస్తున్నారు. ఒక తెల్ల‌ని గులాబీని త‌ల‌పిస్తున్న ఈ డిజైన‌ర్ డ్రెస్ నిజంగా వ్వావ్! ఫ్యాక్ట‌ర్ తో ఆక‌ర్షిస్తోంది. ఇందులో షాన‌యా క‌పూర్ ముగ్ధ‌మనోహ‌రంగా క‌నిపిస్తోంది. డిజైనర్ ద్వయం నికోల్- ఫెలిసియాల స్ట్రాప్‌లెస్ బ్రైడల్ గౌను ఇది. సహజమైన తెల్లని ఫిగర్-హగ్గింగ్ గౌను మధ్యలో ఒక భారీ 3D గులాబీ అలంక‌ర‌ణ‌తో మైమ‌రిపించింది. షాన‌య న‌టిస్తున్న మొద‌టి చిత్రం బేధ‌డ‌క్ త్వ‌ర‌లో విడుద‌ల కానుంది.