శంక‌ర్ నెక్స్ట్ టార్గెట్ మ‌రో బోయ్స్-2!

కోలీవుడ్ డైరెక్ట‌ర్ శంక‌ర్ కి ఇప్పుడు హిట్ అవ‌స‌రం. అది 'గేమ్ ఛేంజ‌ర్' రూపంలో బ్లాక్ బ‌స్ట‌ర్ అవ్వాలి. గ్లోబ‌ల్ స్టార్ రామ్ చ‌ర‌ణ్ ఇమేజ్ ని రెట్టింపు చేసేలా ఉండాలి. శంక‌ర్ పై ఎంతో న‌మ్మ‌కంతో చ‌ర‌ణ్ ముందుకెళ్తున్నాడు. ఆర్ ఆర్ ఆర్ సెట్స్ లో ఉండ‌గానే శంక‌ర్ ని చూజ్ చేసుకుని సూప‌ర్ అనిపించాడు. కానీ శంక‌ర్ వైఫ‌ల్యాలు...ఇండియ‌న్ -2 ఫెయిల్యూర్ చూసిన త‌ర్వాత చ‌ర‌ణ్ రైట్ వేలో వెళ్తున్నాడా? రాంగ్ వేలో వెళ్తున్నాడా? అన్న సందేహాలు సైతం తెర‌పైకి వ‌చ్చాయి.

వాట‌న్నింటికి జ‌న‌వ‌రి 10న పుల్ స్టాప్ పుడుతుంది. ఆ సంగ‌తి ప‌క్క‌న‌బెడితే గేమ్ ఛేంజ‌ర్ త‌ర్వాత శంక‌ర్ చేయ‌బోయే సినిమా ఏంటి? ఇండియ‌న్ -3 సంగ‌తి ప‌క్క‌న‌బెడితే? ఇదిప్పుడు మిస్ట‌రీగా మారింది. అత‌డు స్టార్ హీరోల‌తో ముందుకెళ్లాలంటే గేమ్ ఛేంజ‌ర్ బ్లాక్ బ‌స్ట‌ర్ అవ్వాలి. లేదంటే? స్టార్ హీరోలు ముందుకొచ్చే ప‌రిస్థితి ఉండ‌దు. దీంతో శంక‌ర్ ప్లాన్ బీని కూడా రెడీ చేసుకుంటున్న‌ట్లు స‌మాచారం. తెలుగులోనే ఓ సింపుల్ ల‌వ్ స్టోరీ తీసే ఆలోచ‌న చేస్తున్న‌ట్లు స‌న్నిహిత వ‌ర్గాల స‌మాచారం.

త‌క్కువ బ‌డ్జెట్ లో ఓ యూత్ పుల్ ల‌వ్ స్టోరీ చేసే ఆలోచ‌న ఉన్న‌ట్లు క‌నిపిస్తుంది. గ‌తంలో శంక‌ర్ బోయ్స్ అనే సినిమా చేసిన సంగ‌తి తెలిసిందే. అందులో అంతా కొత్త‌వారినే పెట్టుకుని మంచి హిట్ కొట్టారు. ఆ తర్వాత మ‌ళ్లీ శంక‌ర్ ఆ త‌ర‌హా ప్ర‌య‌త్నం చేయ‌లేదు. అన్ని భారీ బ‌డ్జెట్ చిత్రాలు..అగ్ర హీరోల‌తోనే సినిమాలు చేసారు. టెక్నిక‌ల్ సినిమాలు... హీరో ఇమేజ్ ఆధారంగానే ప‌నిచేసారు.

అయితే తాజా ప‌రిస్థితుల్లో ఆ త‌ర‌హా కంటెంట్ ని ప‌క్క‌న‌బెట్టి రిలాక్స్ గా ఓ ల‌వ్ స్టోరీ చేసే ఆలోచ‌న ఓ ఆప్ష‌న్ గా పెట్టుకున్న‌ట్లు క‌నిపిస్తుంది. బోయ్స్ లాంటి ల‌వ్ స్టోరీ అంటే తిరుగుండ‌దు. బోయ్స్ -2 టైటిల్ తో సినిమా చేస్తే ఇప్ప‌టి జ‌న‌రేష‌న్ కి పాద‌ర‌సంలా ఎక్కేస్తుంది. ఆ ర‌కంగా నేటి జ‌న‌రేష‌న్ యువ‌త‌కి శంక‌ర్ రీచ్ అవ్వ‌డానికి ఛాన్స్ ఉంటుంది. అలాంటి క‌థ రెడీగా ఉంటే? దిల్ రాజే గేట్ శంక‌ర్ ని గేట్ దాట‌నివ్వ‌రు.