మెగా ఫ్యాన్స్ కి క్రేజీ న్యూస్… శంకర్ దాదా వచ్చేస్తున్నాడు

మెగాస్టార్ చిరంజీవి కెరియర్ వచ్చిన బ్లాక్ బస్టర్ చిత్రాలలో శంకర్ దాదా MBBS ఒకటి. బాలీవుడ్ మూవీ మున్నాభాయ్ MBBS కి రీమేక్ గా జయంత్ సి పరాన్జీ దర్శకత్వంలో ఈ సినిమా తెరకెక్కింది. 2004లో వచ్చిన ఈ సినిమా నిర్మాతకి భారీ లాభాలు అందించింది. మూవీలో చిరంజీవి కామెడీ టైమింగ్ ని ప్రేక్షకులు ఫుల్ గా ఎంజాయ్ చేశారు. యాక్షన్ ఎలిమెంట్స్ కంటే కామెడీ,సెంటిమెంట్ కి ఈ చిత్రంలో ఎక్కువ ప్రాధాన్యత ఇచ్చారు.

ఇప్పటికి మెగా ఫ్యాన్స్ శంకర్ దాదా MBBS సినిమా టీవీలలో వస్తే ఇంటరెస్ట్ గా చూస్తారు. శంకర్ దాదా పాత్రలో చిరంజీవి, సపోర్టింగ్ రోల్ లో శ్రీకాంత్ ఫుల్ ఫన్ క్రియేట్ చేశారు. ఇదిలా ఉంటే ప్రస్తుతం టాలీవుడ్ లో స్టార్ హీరోల చిత్రాలని వారి బర్త్ డే కానుకగా ప్రేక్షకుల ముందుకి తీసుకొని వస్తున్నారు. వీటికి మంచి ఆదరణ లభిస్తోంది. ఇప్పుడు ఆగష్టు 22న మెగాస్టార్ చిరంజీవి బర్త్ డే రానుంది.

ఆ రోజున సూపర్ హిట్ మూవీ శంకర్ MBBS చిత్రాన్ని 4K వెర్షన్ లో రీరిలీజ్ చేయబోతున్నారు. దీనికి సంబందించిన అఫీషియల్ ప్రకటన వచ్చింది. అలాగే రీరిలీజ్ సందర్భంగా మూవీ ప్రమోషన్స్ కూడా స్టార్ట్ చేశారు. తాజాగా శంకర్ దాదా MBBS 4K వెర్షన్ ట్రైలర్ ని రిలీజ్ చేశారు. ఈ ట్రైలర్ కి మంచి స్పందన వస్తోంది. ఫ్యాన్స్ చాలా ఎగ్జైటింగ్ గా ఎదురుచూస్తున్నట్లు ఈ ట్రైలర్ క్రింద కామెంట్స్ బట్టి తెలుస్తోంది.

రీసెంట్ సూపర్ స్టార్ మహేష్ బాబు బర్త్ డే కనుకగా ఆయన సూపర్ హిట్ మూవీ మురారి 4K వెర్షన్ రీరిలీజ్ అయ్యింది. ఈ సినిమా 8-9 కోట్ల మధ్యలో గ్రాస్ కలెక్ట్ చేసింది. బాస్ మూవీ చాలా రోజుల తర్వాత రీరిలీజ్ అవుతోంది. అది కూడా ఫుల్ ఫన్ రైడ్ లాంటి శంకర్ దాదా MBBS సినిమా థియేటర్స్ లోకి రావడంతో కచ్చితంగా భారీ కలెక్షన్స్ అందుకుంటుందని అంచనా వేస్తున్నారు.

జె.ఆర్.జె పిక్చర్స్ ఈ చిత్రాన్ని రెండు తెలుగు రాష్ట్రాలతో పాటు వరల్డ్ వైడ్ గా ప్రధాన సెంటర్స్ లలో రీరిలీజ్ చేస్తోంది. దేవిశ్రీ ప్రసాద్ సాంగ్స్, బ్యాగ్రౌండ్ మ్యూజిక్ ఈ సినిమాకి మరో ప్రధాన అస్సెట్. అదిరిపోయే డాన్స్ నెంబర్స్ కూడా ఈ చిత్రంలో ఉన్నాయి. ఈ నేపథ్యంలో చిరంజీవి హంగామాని సిల్వర్ స్క్రీన్ పై చూడటానికి ఫ్యాన్స్ ఆసక్తిగా ఎదురుచూస్తున్నారు.