శంక‌ర్ లేకుండా జెంటిల్మెన్ -2!

శంక‌ర్ తెర‌కెక్కించిన `జెంటిల్మెన్` అప్ప‌ట్లో ఎలాంటి విజ‌యాన్ని సాధించిందో చెప్పాల్సిన ప‌నిలేదు. అర్జున్..మ‌ధుబాల‌..భుశ శ్రీ నాయ‌కానాయిక‌లుగా న‌టించిన సినిమా శంక‌ర్ కెరీర్ లో ఓ గోల్డెన్ హిట్. ద‌ర్శ‌కుడిగా ఆయ‌న తొలి సినిమా అదే. తొలి విజ‌యంతోనే శంక‌ర్ కోలీవుడ్ లో సంచ‌ల‌నంగా మారారు. దీంతో ఈ యాక్ష‌న్ థ్రిల్ల‌ర్ ద‌ర్శ‌కుడెవ‌రు? అని పాన్ ఇండియాలోనే చ‌ర్చ‌కొచ్చింది. అలా తొలి సినిమాతోనే శంక‌ర్ మార్క్ ప‌డింది.

అప్ప‌టికే రోజా లాంటి హిట్ అందుకున్న ఏ.ఆర్ . రెహ‌మాన్ జెంటిల్మెన్ కి సంగీతం అందించి మ్యూజిక‌ల్ గానూ చిత్రానికి భారీ విజ‌యం అందించారు. ఏ.ఆర్.ఎస్ ఫిల్మ్స్ ఇంట‌ర్నేష‌న‌ల్ పై కె.టి .కుంజుమోన్ నిర్మించారు. అలా శంక‌ర్..రెహ‌మాన్..కె.టి త్ర‌యంలో జెంటిల్మెన్ ఓ సంచ‌ల‌న చిత్రంగా నిలిచింది. ఆ త‌ర్వాత శంక‌ర్ ద‌ర్శ‌కుడిగా ఏ స్థాయికి చేరుకున్నారో? ఎంత బిజీ అయ్యారో తెలిసిందే. ఆ సినిమాకి సీక్వెల్ చేయాల‌ని అభిమానులు చాలా సంద‌ర్భాల్లో కోరారు. కానీ శంక‌ర్ ఆ విష‌యాన్ని అంత సీరియ‌స్ గా తీసుకోలేదు.

ఈ నేప‌థ్యంలో తాజాగా ఈ సినిమాకి సీక్వెల్ ప్రారంభ‌మైంది. అయితే ఆ బాధ్య‌త‌లు శంక‌ర్ తీసుకోలేదు.

రేసులోకి కొత్త ద‌ర్శ‌కుడు వ‌చ్చారు. ఏ. గోకుల్ కృష్ణ ద‌ర్శ‌కుడిగా ఈసినిమా ప్రారంభ‌మైంది. ప్రారంభో త్స‌వం చెన్నైలో సినీ.. రాజ‌కీయ ప్ర‌ముఖ‌లు సమంక్షంలో ఘ‌నంగా జ‌రిగింది. ఈ చిత్రాన్ని మాతృక‌ని నిర్మించిన కె.టి కుంజుమోన్ నిర్మిస్తున్నారు. అలాగే రెహ‌మాన్ స్థానంలో సంగీత ద‌ర్శ‌కుడిగా ఎం.ఎం కీర‌వాణీ ని తీసుకున్నారు. దీంతో సినిమాకి కీర‌వాణి అద‌న‌పు అస్సెట్ గా నిలుస్తున్నారు.

ఇలా జెంటిల్మెన్ సీక్వెల్ నిర్మాత త‌ప్ప మిగ‌తా వారంతా కొత్త వారు కావ‌డం విశేషం. మ‌రి ఈ కొత్త టీమ్ శంక‌ర్ జెంటిల్మెన్ ని త‌ల‌పించేలా చేస్తారా? లేక అంత‌కు మించి సంచ‌ల‌నం చేస్తారా? అన్న‌ది చూడాలి. అలాగే ఈ సినిమాలో న‌టీన‌టులు ఎవ‌రు? అన్న‌ది కూడా రివీల్ చేయ‌లేదు. కేవ‌లం ప్రారంభోత్స‌వం మాత్ర‌మే జ‌రిగింది. రెగ్యుల‌ర్ షూటింగ్ ఎప్ప‌టి నుంచి అన్న‌ది రివీల్ చేయ‌లేదు.