ఆ స్టార్ హీరోయిన్ కి పోటీగా న‌వ నాయిక‌!

బాలీవుడ్ బ్యూటీల్లో ఈ మ‌ధ్య కాలంలో ఎక్కువ‌గా హైలైట్ అయిన భామ శార్వ‌రీ వాఘ్. కెరీర్ ప్రారంభించి ప‌దేళ్లు అవుతున్నా? స‌క్సెస్ ఇప్ప‌టికీ ద‌క్కింది. `మూంజ్య‌`, `మ‌హారాజ` సినిమాల‌తో బాగా వెలుగులోకి వ‌చ్చింది. ఈ మ‌ధ్య‌నే రిలీజ్ అయిన `వేద‌`లోనూ కీల‌క పాత్ర పోషించింది. ఇందులో అమ్మ‌డి న‌ట‌న‌కు విమ‌ర్శ‌కుల ప్ర‌శంస‌లు ద‌క్కాయి. యాక్ష‌న్ బాక్సింగ్ స‌న్నివేశాల్లో అద‌ర‌గొట్టింది. హీరోల‌తో పోటా పోటీగా ప‌నిచేసింది.

స‌రిగ్గా ఇదే స‌మ‌యంలో బాలీవుడ్ స్టార్ హీరోయిన్ అలియాభ‌ట్ తో క‌లిసి న‌టించే అవ‌కాశం అందు కుంది. ప్ర‌తిష్టాత్మ‌క నిర్మాణ సంస్థ య‌శ్ రాజ్ ఫిలింస్ నిర్మిస్తోన్న స్పై థ్రిల్ల‌ర్ లో అలియాతో క‌లిసి శార్వీరీ న‌టిస్తుంది. రెండు పాత్ర‌లు పోటాపోటీగా సాగుతాయ‌ని స‌మాచారం. దీంతో అప్పుడే అలియాభ‌ట్ కే పోటీగా నిలుస్తుందా? అన్న సందేహాలు సైతం వ్య‌క్త‌మ‌వుతున్నాయి.

కొంత మంది అలియా భ‌ట్ లా ఉండాల‌నుకుంటున్నారా? అని నేరుగా శార్వరీ ముందుకే తీసుకెళ్తున్నారు. తాజాగా ఈ సందేహాల‌న్నింటినీ శార్వ‌రీ వాఘ్ నివృత్తి చేసింది. `అలియా భ‌ట్ నాకు ఓ స్పూర్తి. త‌న నుంచి ఎన్నో కొత్త విష‌యాలు తెలుసుకున్నాను. థియేట‌ర్లో అలియాభ‌ట్ సినిమా చూస్తుంటే తెర‌పై ఆమె మాత్ర‌మే క‌నిపిస్తుంది. ఆమె ఒక సూప‌ర్ స్టార్ . చిత్ర ప‌రిశ్ర‌మ‌లో కి అడుగు పెట్టిన ప్ర‌తీ కొత్త అమ్మాయి అలియాభ‌ట్ లా ఉండాల‌నుకుంటుంది.

కానీ నేను మాత్రం శార్వీరీలానే న‌న్ను నేను నిరూపించుకోవాల‌నుకుంటున్నాను. నాటి కావాలి అన్న‌ది నా ఎన్నో ఏళ్ల క‌ల‌.అవ‌కాశం వ‌చ్చింద‌ని ప్రాధాన్య‌త లేని పాత్ర‌ల్లో న‌టించి ప్రేక్ష‌కుల్ని అల‌రించాలి అనుకోవ‌డం లేదు. తె ర‌పై వైవిథ్య‌మైన పాత్ర‌ల‌తో అల‌రించ‌డమే నాప‌ని. అలాంటి పాత్ర‌లు వ‌స్తే చేస్తాను. లేక‌పోతే ఖాళీగా ఉంటాను` అని తెలిపింది.