జ‌కార్తా ట్రాక్ పై శ‌ర్వానంద్ రేసింగ్!

యంగ్ హీరో శ‌ర్వానంద్ కి స‌రైన స‌క్సెస్ ప‌డి చాలా కాల‌మ‌వుతోంది. ఇటీవ‌లే` మ‌న‌మే `సినిమాతో ప్రేక్ష‌కుల ముందుకొచ్చినా అది ఆశించిన ఫలితం సాధించ‌లేదు. దీంతో హీరోలో స‌క్సెస్ క‌సి మ‌రింత పెరిగింది. ఛాన్సుల ప‌రంగా ఢోకాలేదు. కానీ ఇదే ప‌రిస్థితి ఇంకొంత కాలం కొన‌సాగితే మార్కెట్ ప‌రంగా ముప్పు త‌ప్ప‌దు. ఈ నేప‌థ్యంలో త‌దుపరి సినిమాతో స‌క్సెస్ అందుకోవాల‌ని గట్టిగానే ప‌నిచేస్తున్నాడు. ప్ర‌స్తుతం త‌న 36వ చిత్రం ఆన్ సెట్స్ లో ఉంది.

దీనికి అభిలాష కంక‌ర్ ద‌ర్శ‌క‌త్వం వ‌హిస్తున్నారు. యూవి క్రియేష‌న్స్ నిర్మిస్తుంది. ఇందులో శ‌ర్వాకి జోడీగా మాళ‌విక నాయర్ న‌టిస్తోంది. ప్ర‌స్తుతం ఈ సినిమా షూటింగ్ ఇండోనేషియ రాజ‌ధాని జ‌క‌ర్తాలో షూటింగ్ జ‌రుపుకుంటోంది. జ‌కార్తా ట్రాక్ లో శ‌ర్వానంద్ పై బైక్ రేసింగ్ యాక్ష‌న్ స‌న్నివేశాలు చిత్రీక‌రిస్తున్నారు. దిలీప్ మాస్ట‌ర్ ఆధ్వ‌ర్యంలో ఈ స‌న్నివేశాల చిత్రీక‌ర‌ణ జ‌రుగుతోంది. ఆగ‌స్టు రెండ‌వ వారం వ‌ర‌కూ అక్క‌డే షూటింగ్ ఉంటుంద‌ని స‌మాచారం.

సినిమాలో ఈ స‌న్నివేశాలు ప్ర‌త్యేక ఆక‌ర్ష‌ణ‌గా నిలుస్తాయ‌ని యూనిట్ ధీమా వ్య‌క్తం చేస్తోంది. ఇంత వ‌ర‌కూ శ‌ర్వానంద్ ఇలాంటి స‌న్నివేశాల్లో న‌టించ‌లేదు. దీంతో అత‌డికి ఇదో కొత్త ఎక్స్ పీరియ‌న్స్ గా చెప్పొచ్చు. గ‌తంలో` మ‌ళ్లీ మళ్లీ రాని రోజు` అనే చిత్రంలో ర‌న్న‌ర్ గా న‌టించిన సంగ‌తి తెలిసిందే. అందులో ర‌న్నింగ్ ట్రాక్ పై రేస‌ర్ గా ప‌రిగెత్తాడు. అదీ స్పోర్స్డ్ బ్యాక్ డ్రాప్ లోతెర‌కెక్కిన అంద‌మైన ల‌వ్ స్టోరీ. తాజా సినిమా కూడా క్రీడా నేప‌థ్యంతో కూడుకున్న‌దే.

1990-2000 కాలం మ‌ధ్య జ‌రిగే స్టోరీ ఇది. ఇందులో మోటారు సైకిల్ రేస‌ర్ గా క‌నిపించ‌నున్నాడు. ఇందులో ప్రేమ క‌థ‌తో పాటు మూడు త‌రాల కుటుంబ కుటుంబానికి సంబంధించి అంశాలు ముడిప‌డి ఉంటాయ‌ని స‌మాచారం. ఈ చిత్రానికి జిబ్రాన్ సంగీతం అందిస్తున్నారు. బ్యాక్ గ్రౌండ్ స్కోర్ ప్ర‌త్యేక ఆక‌ర్ష‌ణ‌గా నిలుస్తుంద‌ని చిత్ర వ‌ర్గాలు అంటున్నాయి.