మాస్ డైరెక్టర్.. క్లాస్ హీరో.. ఆ కథేనా?

యంగ్ టాలెంటెడ్ హీరో శర్వానంద్ చివరిగా మనమే మూవీతో ప్రేక్షకుల ముందుకొచ్చారు. గత ఏడాది ఒకే ఒక జీవితం సినిమాతో తెలుగు, తమిళ్ భాషలలో శర్వానంద్ సక్సెస్ అందుకున్నాడు. అయితే ఈ ఏడాదిలో రిలీజ్ అయిన మనమే మూవీ ఆశించిన స్థాయిలో ప్రేక్షకులని మెప్పించలేదు. అయితే ఈ సారి కథల విషయంలో శర్వానంద్ కాస్తా ప్లానింగ్ తో వెళ్తున్నాడు.

ప్రేక్షకుల అభిరుచికి తగ్గట్లుగా కొత్త కథలని ఎంపిక చేసుకుంటున్నారు. మాస్ టచ్ ఉన్న స్టోరీస్ ని చూజ్ చేసుకొని మూవీస్ చేయాలని అనుకుంటున్నారు. ప్రస్తుతం బాగా క్లిక్ అవుతన్న జోనర్స్ అంటే పీరియాడిక్ యాక్షన్, మైథాలజీ థ్రిల్లర్, కామెడీ ఎంటర్టైనర్స్ మాత్రమే. కామెడీ అనేది ఎవర్ గ్రీన్ అని చెప్పొచ్చు. కరెక్ట్ గా ఫన్ వర్క్ అవుట్ అయితే మూవీ సూపర్ హిట్ టాక్ సొంతం చేసుకుంటుంది.

థియేటర్స్ కి వెళ్లే ఆడియన్స్ లాజిక్స్ పక్కన పెట్టి కామెడీని ఆస్వాదిస్తారు. శర్వానంద్ కెరియర్ లో రన్ రాజా రన్, ఎక్స్ ప్రెస్ రాజా అలాగే కమర్షియల్ కామెడీ కథలతో చేసి సక్సెస్ లు అందుకున్నాడు. నెక్స్ట్ శర్వానంద్ అభిలాష్ రెడ్డి దర్శకత్వంలో స్పోర్ట్స్ బ్యాక్ డ్రాప్ మూవీ చేయబోతున్నాడు. ఈ చిత్రంలో శర్వానంద్ బైక్ రేసర్ గా కనిపించబోతున్నారు.

అలాగే సామజవరగమన డైరెక్టర్ రామ్ అబ్బరాజుతో కామెడీ కథాంశంతోనే మూవీ ఉండబోతోందని తెలుస్తోంది. ఇవి కాకుండా సంపత్ నంది దర్శకత్వంలో ఒక సినిమాకి శర్వానంద్ గ్రీన్ సిగ్నల్ ఇచ్చాడంట. కెకె రాధామోహన్ ఈ చిత్రాన్ని నిర్మించబోతున్నారు. మాస్ కమర్షియల్ యాక్షన్ చిత్రంగా ఈ సినిమా తెరకెక్కనున్నట్లు టాక్ వినిపిస్తోంది.

సంపత్ నంది సాయి ధరమ్ తేజ్ తో గంజా శంకర్ సినిమాని ఎనౌన్స్ చేశారు. అయితే ఈ సినిమా తరువాత ఏవో కారణాల వలన ఆగిపోయింది. గంజా శంకర్ టైటిల్ పైన అభ్యంతరాలు వచ్చాయి. ఇదే కథకి కొద్దిగా మార్పులు చేసి శర్వానంద్ తో సంపత్ నంది చేయబోతున్నాడనే మాట వినిపిస్తోంది. అయితే శర్వానంద్ కమర్షియల్ డైరెక్టర్స్ తో సినిమాలు చేసింది తక్కువ అని చెప్పొచ్చు.

మొదటి సారి సంపత్ నంది లాంటి ప్యూర్ కమర్షియల్ దర్శకుడితో శర్వానంద్ జత కట్టబోతున్నాడు. వీరిద్దరి కాంబినేషన్ లో మూవీ ఎలా ఉండబోతోందో చూడాలనే ఆసక్తి అందరిలో ఉంది. శర్వానంద్ కూడా పాన్ ఇండియా ఇమేజ్ కోరుకుంటున్నాడు. ఆ దిశగానే యూనివర్సల్ అప్పీల్ ఉన్న కథలని ఎంపిక చేసుకుంటున్నట్లు తెలుస్తోంది. సంపత్ నంది సినిమాని శర్వానంద్ వెంటనే స్టార్ట్ చేస్తారా లేదంటే ఆల్ రెడీ కమిట్ అయిన మూవీస్ పూర్తయిన తర్వాత సెట్స్ పైకి తీసుకువెళ్తాడా అనేది తెలియాల్సి ఉంది.