'కాంటా ల‌గా' గాళ్ బికినీలో దుమారం

90ల‌లో ఓ ఊపు ఊపిన `కాంట ల‌గా ..` పాప్ సాంగ్‌ని ఎవ‌రూ అంత తేలిగ్గా మ‌ర్చిపోలేరు. ఇప్ప‌టికీ అది మ్యూజిక్ క‌లెక్ష‌న్స్ ప‌రంగా ఫేవ‌రెట్‌గా ఉంటుంది. అప్ప‌ట్లో గొప్ప‌ జనాదరణ పొందిన కాంటా లగా రీమిక్స్ వెర్షన్ కి ఇప్ప‌టికీ యూత్ ఆద‌మ‌రిచి డ్యాన్స్ చేయాల్సిందే. మోడల్ కం నటి షెఫాలీ జరీవాలా ఈ పాటలో తన అద్భుత‌మైన నృత్యం ఎన‌ర్జీతో కట్టిపడేసింది. ఓవ‌ర్ నైట్ పాప్ స్టార్ గా నాడు షెఫాలీ సంచ‌ల‌నం సృష్టించింది.

పల్లవి కేల్కర్ సౌండ్‌ట్రాక్‌కి త‌గ్గ‌ట్టు షెఫాలీ స్టెప్పులు జ‌నాల‌ను క‌ట్టిప‌డేసాయి. ట్రెండ్స్ చార్ట్‌లో షెఫాలీ పాట చార్ట్ బ‌స్ట‌ర్ గా నిలిచింది. 2002 లో ఈ పాట విడుద‌లైంది. కానీ ఎందుక‌నో ఆ త‌ర్వాత‌ షెఫాలీ ప్రజల దృష్టి నుండి పూర్తిగా అదృశ్యమైంది. కానీ తానొక‌టి త‌లిస్తే దైవ‌మొక‌టి త‌ల‌చిన చందంగా త‌న కెరీర్ అయింది. దానికి కార‌ణం తెలిస్తే ఎవ‌రైనా షాక్ కి గుర‌వ్వాల్సిందే.

కాంట ల‌గా గాళ్ గా పాపుల‌ర‌య్యాక షెఫాలీ కొన్ని సినిమాల్లో కనిపించింది. కానీ ఆశించినంత పెద్ద స్టార్‌డమ్ ను అందుకోలేక‌పోయింది. అప్ప‌ట్లోనే ఓ ఇంటర్వ్యూలో మాట్లాడుతూ.. కాంట ల‌గా అద్భుతమైన విజయం తర్వాత తన న‌ట‌నా కెరీర్ ఎందుకు వెనుకబడిందో వెల్లడించింది. తాను తీవ్రమైన మూర్ఛ రోగంతో బాధపడ్డానని, అది తన జీవితంలో అడ్డంకిగా మారిందని షెఫాలీ వివరించింది. నేను కాంటా లగా చేసిన తర్వాత ఎక్కువగా న‌ట‌నా కెరీర్ పై దృష్టి పెట్ట‌లేదేమ‌ని ప్రజలు నన్ను అడిగారు. మూర్ఛ కారణంగా నేను ఎక్కువ పని చేయలేకపోయాను! అని తెలిపింది. నాకు నెక్ట్స్ మూర్ఛ ఎప్పుడు వస్తుందో నాకు తెలియని ప‌రిస్థితి. ఈ స్థితి 15 సంవత్సరాలు కొనసాగింది. ఇప్ప‌టికి తొమ్మిదేళ్లుగా మూర్ఛ లేకుండా ఉన్నాను. నేను నా డిప్రెషన్, భయాందోళనలను సహజంగా బలమైన ప్రేమ‌, మద్దతు వ్యవస్థ సహాయంతో మేనేజ్ చేసాను కాబట్టి నేను నా గురించి గర్వపడుతున్నాను.. అని తెలిపారు.

సల్మాన్ ఖాన్ హోస్ట్ చేసిన బిగ్ బాస్ 13లో వైల్డ్ కార్డ్ కంటెస్టెంట్‌గా షెఫాలీ ఎంట‌రైంది. ఈ వేదిక‌పై మరోసారి అందరి దృష్టిని ఆకర్షించింది. కానీ షెఫాలీ షో నుంచి వెంటనే నిష్కృమించింది. కానీ బిగ్ బాస్ వీక్షకులచే విస్తృతంగా ప్రేమించబడిన న‌టిగా గుర్తింపు పొందింది. షెఫాలీ ఇటీవ‌ల ఇన్ స్టా వేదిక‌గా స్పీడ్ చూపిస్తోంది. తాజాగా నియ‌న్ గ్రీన్ స్విమ్ సూట్ లో ఈత కొల‌ను వ‌ద్ద ర‌క‌ర‌కాల భంగిమ‌ల్లో క‌నిపించింది. తీరైన రూపం ముగ్ధ మ‌నోహ‌రమైన అందంతో షెఫాలీ క‌ట్టి ప‌డేస్తోంది. ప్ర‌స్తుతం ఈ ఫోటోగ్రాఫ్స్ అంత‌ర్జాలంలో వైర‌ల్ గా మారుతున్నాయి.