ఆ హిట్ కి సీక్వెల్..మ‌ళ్లీ సాగ‌ర‌క‌న్యే!
శిల్పాశెట్టి ప్ర‌ధాన పాత్ర‌లో సోనాల్ జోషీ తెర‌కెక్కించిన `సుఖీ` బాలీవుడ్ లో మంచి విజ‌యం సాధించిన సంగ‌తి తెలిసిందే.
By: Tupaki Desk | 2 Dec 2023 3:30 PM GMT
శిల్పాశెట్టి ప్ర‌ధాన పాత్ర‌లో సోనాల్ జోషీ తెర‌కెక్కించిన `సుఖీ` బాలీవుడ్ లో మంచి విజ‌యం సాధించిన సంగ‌తి తెలిసిందే. ఓ సాధార‌ణ గృహిణి జీవితం చుట్టూ తెర‌కెక్కించిన చిత్రం విమ‌ర్శ‌కుల ప్ర‌శంస‌లు ద‌క్కించు కుంది. శిల్పాశెట్టి కెరీర్ లో ది బెస్ట్ పెర్పార్మెర్ గా నిలిచిన చిత్రంగా ఖ్యాతికెక్కింది. అందులో శిల్ప న‌ట‌న.. ఆహార్యం..భావోద్వేగం ప్ర‌తీది ప్రేక్ష‌కుల్ని క‌ట్టిప‌డేసింది. తెర‌పై శిల్ప‌ని చూస్తున్నంత సేపు న‌టించేది ఆమెనా? ఆమెలో అంత గొప్ప న‌టి ఉందా? అన్న సందేహం రాక‌మాన‌దు.
ఆ రేంజ్ లో శిల్పాశెట్టి పెర్పార్మెన్స్ ఇచ్చింది. ఈ నేప‌థ్యంలో తాజాగా ఈ చిత్రాన‌కి సీక్వెల్ తెర‌కెక్కించే ప్లాన్ లో ఉన్న‌ట్లు వార్త‌లొస్తున్నాయి. `సుఖీ` టైటిల్ తో ఈ చిత్రాన్ని సోనాల్ జోషీని రూపొందించ‌డానికి రెడీ అవుతున్నారుట. య‌ధావిధిగా శిల్పాశెట్టినే మ‌రోసారి మెయిన్ లీడ్ గా తీసుకోవాల‌నుకుంటున్నారుట. ప్ర‌స్తుతం ఈ స్క్రిప్ట్ కి సంబంధించిన ప‌నులు జరుగుతున్నాయి. అన్ని ప‌నులు పూర్తి చేసి వ‌చ్చే ఏడాది సినిమాని సెట్స్ కి తీసుకెళ్లాల‌ని మేక‌ర్స్ ప్లాన్ చేస్తున్నారు.
దీనికి సంబంధించిన అధికారిక ప్ర‌క‌ట‌న త్వ‌ర‌లో రానుందిట. సుఖీ ఇదే ఏడాది సెప్టెంబ‌ర్ లో రిలీజ్ అయిన సంగ‌తి తెలిసిందే. ఈచిత్రాన్ని టీ సిరీస్-అభూన్ దాటియా ఎంట‌ర్ టైన్ మెంట్స్ సంయుక్త‌గా నిర్మించాయి. మ‌రి సీక్వెల్ నిర్మాణానికి అవే సంస్థ‌లు ముందుకొస్తున్నాయా? కొత్త బ్యాన‌ర్ లో రూపొందు తుందా? వంటి వివ‌రాలు తెలియాల్సి ఉంది. మొత్తానికి శిల్పాశెట్టి కెరీర్ మ‌ళ్లీ స్పీడందుకుంటున్న‌ట్లే క‌నిపిస్తుంది.
మూడేళ్ల క్రితం `హంగ‌మా-2` త‌ర్వాత నిక్క‌మ్మ లో న‌టించింది. ఈ రెండు చిత్రాల త‌ర్వాత శిల్పాశెట్టికి అవ‌కాశాలు పెరిగాయి. 2014 త‌ర్వాత కొంత గ్యాప్ అనంత‌రం చేస్తోన్న చిత్రాలే ఇవ‌న్నీ. ఇదే స‌మ‌యంలో ఇన్ స్టాలో నూ అమ్మ‌డు మంచి పాపుల‌ర్ అయింది. ఇన్ స్టా ద్వారా ల‌క్ష‌ల్లో ఆదాయం స‌మ‌కూరుతుంది. ఆ క్రేజ్ కూడా సీనియ‌ర్ బ్యూటీ అవ‌కాశాలు వెనుక ఓ కార‌ణం కావొచ్చు.
