మజిలీ డైరెక్టర్ మల్టీస్టారర్ మంతనాలు

‘నిన్ను కోరి’, ‘మజిలీ’, ‘ఖుషి’ లాంటి సినిమాలతో క్లాస్ చిత్రాల దర్శకుడిగా గుర్తింపు తెచ్చుకున్నాడు శివ నిర్వాణ. అతను చివరిగా మైత్రీ మూవీ మేకర్స్ నిర్మాణంలో సమంత, విజయ్ దేవరకొండ జోడీగా ‘ఖుషి’తో ప్రేక్షకుల ముందుకొచ్చారు. పాన్ ఇండియా ప్రాజెక్ట్ గా రిలీజ్ అయిన ఈ మూవీ తెలుగులో యావరేజ్ టాక్ సొంతం చేసుకుంది. తమిళంలో మాత్రం కమర్షియల్ హిట్ గా నిలిచింది.

ఇదిలా ఉంటే శివ నిర్వాణ ఇప్పుడు మైత్రీ మూవీ మేకర్స్ లోనే మరో సినిమా చేయడానికి రెడీ అవుతున్నాడని తెలుస్తోంది. ఓ మల్టీ స్టారర్ స్టోరీ లైన్ ని నిర్మాతలకి చెప్పాడంట. స్టోరీలైన్ వారికి నచ్చడంతో ఫుల్ స్క్రిప్ట్ సిద్ధం చేయమని చెప్పారని తెలుస్తోంది. ఇక ఈ చిత్రాన్ని శివ నిర్వాణ తమిళంలో చేయాలని అనుకుంటున్నట్లు టాక్ వినిపిస్తోంది. ఈ మూవీ కోసం తమిళ్ స్టార్ హీరోలైన సూర్య, కార్తీని సంప్రదించారంట .

వారిద్దరితో మూవీ చేస్తే కచ్చితంగా మంచి హైప్ వస్తుందని భావిస్తున్నారు. ఇప్పటికే మైత్రీ మూవీ మేకర్స్ సూర్య హీరోగా ఒక సినిమా చేయాలని ప్లాన్ చేశారు. అతనికి అడ్వాన్స్ కూడా గతంలో ఇచ్చారంట. ఇప్పుడు శివ నిర్వాణ స్టోరీని సూర్య, కార్తీ కాంబినేషన్ లో మల్టీ స్టారర్ గా చేయాలనే ఆలోచన చేస్తున్నట్లు టాక్ నడుస్తోంది. త్వరలో శివ నిర్వాణ కూడా సూర్య, కార్తీని కలిసి కథ చెప్పే ప్లాన్ లో ఉన్నారంట.

అయితే అది ఎప్పుడు జరుగుతుందనేది క్లారిటీ లేదు. ప్రస్తుతం సూర్య కంగువా మూవీ రిలీజ్ కి సిద్ధమవుతోంది. కార్తీక్ సుబ్బరాజు దర్శకత్వంలో చేస్తోన్న సినిమా సెట్స్ పైన ఉంది. అలాగే టీజే జ్ఞాన్ వేల్ దర్శకత్వంలో ఓ మూవీ చేయడానికి ఒకే చెప్పాడంట. మరో వైపు కార్తీ కూడా సర్దార్ పార్ట్ 2 మూవీ షూటింగ్ దశలో ఉంది శివ నిర్వాణ చెప్పిన కథ సూర్య, కార్తీకి నచ్చినట్లయితే చేయడానిక ముందుకొచ్చే అవకాశం ఉంది.

చాలా కాలంగా ఇద్దరు కలిసి నటించాలని అనుకుంటున్నారు. మరి శివ నిర్వాణ వీరిద్దరిని ఒప్పిస్తే మాత్రం కచ్చితంగా అది క్రేజీ ప్రాజెక్ట్ అవుతుందని చెప్పొచ్చు. మైత్రీ మూవీస్ లాంటి పెద్ద బ్యానర్ కాబట్టి భారీ బడ్జెట్ పెట్టడానికి వెనుకాడరు. మరి ఈ ప్రాజెక్ట్ ఎంత వరకు ముందుకెళ్తుంది అనేద డైరెక్టర్ శివ నిర్వాణ చేతిలోనే ఉంది.