శివ కార్తికేయన్ పరాశక్తి టీజర్ టాక్..!

శివ కార్తికేయన్, రవి మోహన్, అధర్వ, శ్రీలీల ప్రధాన పాత్రలుగా వస్తున్న సినిమా పరాశక్తి. డాన్ పిక్చర్స్ బ్యానర్ లో ఆకాష్ భాస్కరన్ ఈ సినిమా నిర్మిస్తున్నారు. ఈ సినిమాను సుధ కొంగర డైరెక్ట్ చేస్తున్నారు. పరాశక్తి కి సంబంధించిన టీజర్ లేటెస్ట్ గా రిలీజ్ చేశారు మేకర్స్.

పీరియాడికల్ స్టోరీగా రాబోతున్న ఈ సినిమాలో శివ కార్తికేయన్ ఒక స్టూడెంట్ లీడర్ గా కనిపించనున్నారు. సైన్యమై కదిలిరా అంటూ స్టూడెంట్ లీడర్ గా శివ కార్తికేయన్ చెప్పిన డైలాగ్ అదిరిపోయింది. టీజర్ అంతా కూడా డిఫరెంట్ అప్పీల్ తో ఆడియన్స్ ని ఇంప్రెస్ చేసేలా ఉంది. శ్రీలీల, అధర్వ ఇద్దరు వెరైటీ లుక్స్ తో కనిపించారు.

శివ కార్తికేయ, రవి మోహన్ ఇద్దరి ఫేస్ ఆఫ్ సీన్స్ సినిమాలో హైలెట్ అయ్యేలా ఉన్నాయి. అమరన్ తో సూపర్ హిట్ అందుకున్న శివ కార్తికేయన్ పరాశక్తితో మరో పవర్ ఫుల్ సినిమాతో వస్తున్నాడని చెప్పొచ్చు. సినిమా టీజర్ అయితే ఆకట్టుకోగా సినిమా కూడా ఇదే రేంజ్ లో ఉంటే మాత్రం శివ కార్తికేయన్ ఖాతాలో మరో హిట్ పడినట్టే లెక్క.

కథల ఎంపికలో తన మార్క్ చూపిస్తూ ఆడియన్స్ కు ఎలాంటి సినిమాలు చేస్తే మెచ్చుతారో బాగా కనిపెట్టేసిన శివ కార్తికేయన్ కెరీర్ లో ఇప్పుడు సూపర్ ఫాం కొనసాగిస్తున్నాడు. అమరన్ తో కెరీర్ బెస్ట్ హిట్ అందుకుని బాక్సాఫీస్ షేక్ చేసిన శివ కార్తికేయన్ ఈ పరాశక్తితో ఎలాంటి ఫలితాన్ని అందుకుంటాడో చూడాలి. పరాశక్తి సినిమా టీజర్ ఐతే ఇంప్రెస్ చేసింది. సూరరై పొట్రు తర్వాత సుధ కొంగర చేస్తున్న ఈ సినిమా టీజర్ తోనే అంచనాలు పెంచారు.

ముఖ్యంగా రెండు నిమిషాల టీజర్ లోనే కెమెరా వర్క్, కథనం నడిపించిన తీరు ఆడియన్స్ ని సర్ ప్రైజ్ చేశాయి. సుధ కొంగర ఈసారి కూడా మరో అద్భుతమైన కథతో వస్తున్నారని అర్థమవుతుంది. పరాశక్తి టీజర్ శివ కార్తికేయన్ ఫ్యాన్స్ కే కాదు కామన్ ఆడియన్స్ కి నచ్చేసింది. ఐతే టీజర్ లో కథ రివీల్ చేయకపోయినా సినిమా ఏంటన్నది మాత్రం చూపించారు. మరి సుధ కొంగర శివ కార్తికేయన్ కాంబో ఈసారి ఎలాంటి ట్రీట్ అందిస్తుందో చూడాలి.