బ‌జార్ ఇండియా క‌వ‌ర్‌పై శ్ర‌ద్ధా

'సాహో' చిత్రంతో సౌతిండియాకు సుప‌రిచిత‌మైన క‌థానాయిక శ్ర‌ద్ధా క‌పూర్. ఆషిఖి 2 లాంటి ప్రేమ‌క‌థా చిత్రంతో హృద‌యాల‌ను కొల్ల‌గొట్టిన శ్ర‌ద్ధా, అటుపై ఏక్ విల‌న్ రిట‌ర్న్స్, స్త్రీ లాంటి బ్లాక్ బ‌స్ట‌ర్ల‌లో న‌టించింది. శ్ర‌ద్ధా అజేయమైన కెరీర్ జ‌ర్నీలో సున్నిత‌మైన న‌ట‌న‌కు ఆస్కారం ఉన్న‌ క‌థాంశాల‌కు పెద్ద పీట వేసింది. న‌ట‌న‌తో స‌త్తా చాటింది.

మ‌రోవైపు శ్ర‌ద్ధా సోష‌ల్ మీడియాల్లో అత్యంత భారీ ఫాలోయింగ్ క‌లిగిన క‌థానాయిక‌గాను రికార్డుల‌కెక్కింది. తాజాగా గోల్డెన్ గర్ల్ శ్రద్ధా కపూర్ బజార్ ఇండియాకు కవర్ స్టార్‌గా మారింది. బజార్ ఇండియా అధికారిక హ్యాండిల్ సోషల్ మీడియాలో కవర్ స్ప్రెడ్‌ను షేర్ చేసింది. బ్లూ అండ్ బ్లూ లుక్ లో క‌నిపించిన శ్ర‌ద్ధా ఎంతో అందంగా క‌నిపించింది. బ్లూ బ్లేజ‌ర్ లో ఇన్న‌ర్ అందాల‌ను ఆవిష్క‌రిస్తూ క‌నిపించింది. ఇక త‌న మెడ‌లో భారీ గోల్డ్ చైన్ .. దానికి కాంబినేష‌న్ డిజైన‌ర్ చైన్ ల‌తో కిల్ల‌ర్ లుక్ లో క‌నిపించింది. శ్ర‌ద్ధా తాజా ఇంటర్వ్యూ నుండి కొంత భాగంతో పాటు, క్యాప్షన్ ఇలా ఉంది.

''శ్రద్ధాకపూర్ ఉత్సాహం వెనుక నిజం.. ఆరోగ్య‌క‌ర‌మైన‌ చిత్రాలలో న‌టించ‌డ‌మే'' అని క్యాప్ష‌న్ ఇచ్చింది. శ్ర‌ద్దా ఇంట‌ర్వ్యూ నుంచి ఒక బిట్ ని షేర్ చేసింది. ''నేను ఏ విధమైన పని చేయాలనుకుంటున్నానో దానిపై స్పష్టంగా ఉన్నాను. చేసే ప‌నికి నా హృదయాన్ని ఆత్మను ఇవ్వాలనుకునేంత‌గా ఆక‌ర్షించే అద్భుతమైన కథ అయి ఉండాలి. సినిమా తీయడానికి కొన్నిసార్లు నెలలు సంవత్సరాలు పడుతుంది, కాబట్టి నేను దేనిలో మునిగిపోవాలనుకుంటున్నానో దాని గురించి ఉత్త‌మంగా ఎంపిక చేసుకుంటాను'' అని చెప్పింది. కానీ శ్ర‌ద్ధా చేస్తున్న చిత్రాలలో త‌న పాత్ర స్క్రిప్ట్‌లో స్వాభావికమైన ఆనందకరమైన క్షణాలను క‌లిగి ఉండాలి. ఏక్ విలన్ లో అయేషా తనకు దగ్గరగా ఉండే పాత్ర. సాహసోపేత స్ఫూర్తి నింపే, ఆనందంగా జీవించే అమ్మాయి పాత్ర అది'' అని శ్ర‌ద్ధా అంది.

నా జీవితాన్ని నేను కోరుకున్న విధంగానే జీవించడం.. నేను నా నిర్భయతను చాలా తేలికగా, చాలా మృధువుగా ఆవిష్క‌రిస్తాను. ప్రతిరోజూ నా కల ఏమిటంటే, మ‌నిషిగా నా పూర్తి సామర్థ్యాన్ని పెంచుకోవడం, నేలపై నా పాదాలతో నక్షత్రాలను చేరుకోవడం. నేను దీన్ని ప్రతిరోజూ జీవిస్తున్నాను... అని శ్ర‌ద్ధా తెలిపింది.

కెరీర్ మ్యాట‌ర్ కి వ‌స్తే.. శ్రద్ధా కపూర్ నిరేన్ భట్ రాసిన 'స్ట్రీ 2' చిత్రీక‌ర‌ణ‌లో బిజీగా ఉంది. ఈ చిత్రానికి అమర్ కౌశిక్ దర్శకత్వం వహిస్తున్నారు. రాజ్‌కుమార్ రావ్, అపరశక్తి ఖురానా, పంకజ్ త్రిపాఠి, అభిషేక్ బెనర్జీ త‌దిత‌రులు ఇందులో నటిస్తున్నారు.