ప‌వ‌న్ స్టార్ డ‌మ్ ఎలాంటిదో అంత‌కుముందు నేను చూడ‌లేదు

శ్రియ రెడ్డి .. క‌థానాయ‌కుడు విశాల్ కి వ‌దిన‌మ్మ‌, విశాల్ సోద‌రుడు నిర్మాత విక్ర‌మ్ కృష్ణ స‌తీమ‌ణి అన్న సంగ‌తి తెలిసిందే. త‌మిళం- తెలుగు చిత్రాల్లో క‌థానాయిక‌గాను సుప‌రిచితురాలు. శ్రీ‌య రెడ్డి కెరీర్ లో సెన్సేష‌న్ అన‌ద‌గ్గ పెర్ఫామెన్సెస్ ఉన్నాయి. స‌హాయ న‌టిగా, విల‌న్ గాను న‌టించి మెప్పించారు. ఇటీవ‌ల విడుద‌లై హిట్ టాక్ తెచ్చుకున్న `స‌లార్` లోను శ్రీ‌య రెడ్డి అద్భుత‌మైన పాత్ర‌తో మెప్పించారు. శ్రీ‌య రెడ్డి పోషించిన రాధా ర‌మ పాత్ర‌కు మంచి స్పంద‌న ల‌భించింది. ఈ సంద‌ర్భంగా మీడియా ఇంట‌ర్వ్యూలో ముచ్చ‌టిస్తూ శ్రీ‌య రెడ్డి త‌న త‌దుప‌రి భారీ చిత్రం ఓజీ గురించి మాట్లాడారు.

ప‌వ‌ర్ స్టార్ ప‌వ‌న్ క‌ల్యాణ్ క‌థానాయ‌కుడిగా సుజీత్ తెర‌కెక్కిస్తున్న ఓజీ క‌థాంశం అద్భుతంగా ఉంద‌ని, సుజీత్ మంచి క‌థ రాసుకున్నాడ‌ని కాంప్లిమెంట్ ఇచ్చిన శ్రీ‌య రెడ్డి ప‌వ‌ర్ స్టార్ తో క‌లిసి సెట్లో ప‌ని చేయ‌డం ఎంతో బావుంద‌ని అన్నారు. ఎక్క‌డ‌కు వెళ్లినా మా దేవుడితో క‌లిసి న‌టిస్తున్నావు క‌దా! అంటూ అభిమానులు ప‌ల‌క‌రిస్తున్నారు. ప‌వ‌న్ క‌ల్యాణ్ స్టార్ డ‌మ్ ఎలాంటిదో అంత‌కుముందు నేను చూడ‌లేదు. ఇప్పుడు నేరుగా చూస్తున్నాను. ఆయ‌న పెద్ద స్టార్. సెట్లో ఎంతో బాగా మాట్లాడ‌తారు. ప‌వ‌న్ తో ప‌ని చేస్తున్నందుకు ఆనందంగా ఉంది.. అని అన్నారు. ఈ చిత్రంలో నెగెటివ్ రోల్ చేస్తున్నాన‌నే దాంట్లో నిజం లేద‌ని నా పాత్ర‌లో ర‌క‌ర‌కాల షేడ్స్ ఆక‌ట్టుకుంటాయ‌ని శ్రీ‌య రెడ్డి అన్నారు. స‌లార్ త‌ర్వాత ఓజీ కూడా పాన్ ఇండియా రేంజులో రిలీజ్ కానుంది. వ‌రుసగా పాన్ ఇండియా చిత్రాల్లో న‌టిస్తూ శ్రీ‌య రెడ్డి న‌టిగా తిరిగి వేగంగా దూసుకొస్తున్నారు.

ఓజీ టాప్ క్లాస్:

ఓజీకి సుజీత్ ద‌ర్శ‌క‌త్వం వ‌హిస్తున్నారు. సాహో త‌ర్వాత ఇది అత‌డికి మ‌రో బిగ్ ఛాలెంజింగ్ మూవీ. ఇప్ప‌టికే రిలీజై ప్ర‌మోష‌న‌ల్ మెటీరియ‌ల్ తో ప‌వ‌న్ అభిమానుల్లో అంచనాలు మరింతగా పెరిగాయి. సినిమా కోసం పవన్ కళ్యాణ్ ప్రత్యేక వేష‌ధార‌ణ‌కు సంబంధించిన‌ ఫోటోలు వైర‌ల్ అయ్యాయి. పవన్ కళ్యాణ్‌తో పాటు బాలీవుడ్ నటుడు ఇమ్రాన్ హష్మీ, విల‌క్ష‌ణ న‌టుడు ప్రకాష్ రాజ్, శ్రియా రెడ్డి, అర్జున్ దాస్ త‌దిత‌రులు ఇందులో న‌టిస్తున్నారు. OG కోసం స్వరకర్త ఎస్.ఎస్ తమన్ స్వ‌రాలు అందిస్తున్నారు.