ఆయ‌న‌తో న‌ట‌న శ్రుతి హాస‌న్ గుండెల్లో రైళ్లు!

విశ్వ‌న‌టుడు క‌మ‌ల్ హాస‌న్ కుమార్తెగా ఇండ‌స్ట్రీకి ఎంట్రీ ఇచ్చిన శ్రుతి హాస‌న్ ట్యాలెంట్ గురించి చెప్పాల్సిన ప‌నిలేదు. అమ్మ‌డు కూడా తండ్రిలాగే మ‌ల్టీట్యాలెంటెడ్. మ్యాక‌ప్ వేసుకోవ‌డానికి ముందే సొంతంగా మ్యూజిక్ బ్యాండ్ నిర్వ‌హించింది. న‌టిగా, గాయ‌నిగా, డ‌బ్బింగ్ ఆర్టిస్ట్ గా స‌త్తా చాటింది. ఇప్ప‌టికే న‌టిగా చాలా సినిమాలు చేసింది. విభిన్న పాత్ర‌ల‌తో ప్రేక్ష‌కుల్ని మెప్పించింది. ఎంతో మంది సీనియ‌ర్ హీరోల‌కు జోడీగా న‌టించింది.

అలాంటి న‌టికి ఓ సీనియ‌ర్ హీరోతో న‌టించ‌డం అంటే భ‌య‌మేస్తుంది? అన‌డం ఆశ్చ‌ర్య‌మేగా. అంతే క‌దా.

ఇంత‌కీ ఎవ‌రా సీనియ‌ర్ హీరో అంటే? సూప‌ర్ స్టార్ ర‌జ‌నీకాంత్. ప్ర‌స్తుతం ఆయ‌న క‌థానాయ‌కుడిగా లోకేష్ క‌న‌గ‌రాజ్ `కూలీ` అనే చిత్రాన్ని తెర‌కెక్కిస్తోన్న సంగ‌తి తెలిసిందే. ఇందులో శ్రుతి హాస‌న్ కూడా ఓకీల‌క పాత్ర పోషిస్తుంది. ఈ సంద‌ర్భంగా సూప‌ర్ స్టార్ తో స్క్రీన్ షేరింగ్ అంటే గుండెల్లో ఒణుకు పుడుతుంది.

`రజనీ సార్‌తో కలిసి పనిచేయడానికి నేను భయపడ్డాను. కానీ ఆయ‌న నాకెంతో ధైర్యాన్ని ఇచ్చారు.స‌ర్ తో క‌లిసి ప‌నిచేయ‌డం గొప్ప ఎక్స్ పీరియ‌న్స్ ని అందించింది. ఎంతో గొప్ప అనుభూతికి లోన‌య్యాను. ఆయ‌న‌తో సెట్ లో గ‌డిపింది ఎంతో విలువైన స‌మ‌యంగా భావిస్తున్నాను. నాన్న‌-ర‌జ‌నీ సార్ మంచి స్నేహితులు. వాళ్లిద్ద‌రు లెజెండ్స్.

ఇండస్ట్రీలో ఎంతో అనుభ‌వం వారిది. ఇద్ద‌రు గ్రేట్ స్టార్లుగా ఉంటూనే ఎంతో డౌన్ టూ ఎర్త్ ఉంటారు. గొప్ప మ‌న‌సున్న వ్య‌క్తులు. వాళ్ల గురించి మాట్లాడే అనుభ‌వం, అర్హ‌త నాకు లేవు ` అని అంది. అలాగే ఈసారి దివాలీ మాత్రం పెద్ద‌గా హ‌డావుడి లేకుండా సింపుల్ గా కానిచ్చేసిన‌ట్లు తెలిపింది. ముంబైలోనే ప్ర‌శాంత‌మైన వాతావ‌ర‌ణంలో నిరాడంబ‌రంగా వేడుక చేసుకున్నానంది.