2023 శృతిహాస‌న్ కెరీర్ లో ఓ మ్యాజిక్!
అందుకు నేనేమి అతీతం కాదంటోంది శ్రుతి హాస‌న్. ఈ అమ్మ‌డు కూడా 2023 జ్ఞాప‌కాల్ని స్మ‌రించుకుంటు కొన్ని థింగ్స్ ని ఇన్ స్టా లో షేర్ చేసింది. 2023 అద్భుతంగా ఉంది.
By: Tupaki Desk | 11 Dec 2023 11:36 AM GMT
2023 కి గుడ్ బై చెప్పి 2024 కి వెల్క‌మ్ చెప్ప‌డానికి భామా మ‌ణులంతా రెడీ అయిపోతున్నారు. ఇప్ప‌టికే డిసెంబ‌ర్ ద్వితియార్ధానికి వ‌చ్చేసిం. మ‌రో 20 రోజుల్లో కొత్త ఏడాదిలోకి అడుగు పెట్ట‌బోతున్నాం. ఈ సంద‌ర్భం హీరోయిన్లు అంతా డిసెంబ‌ర్ నెల మొద‌లైన ద‌గ్గ‌ర నుంచి కొత్త ఫోటోల‌తో ట్రీట్ ఇస్తోన్న సంగ‌తి తెలిసిందే. ఈరేసులో టాలీవుడ్..కోలీవుడ్ భామ‌లు త‌క్కువ‌గా ఉన్న‌ప్ప‌టికీ బాలీవుడ్ భామ‌ల్లో ఈ క‌ల్చ‌ర్ ఎప్ప‌టి నుంచో ఉంది. య‌ధావిధిగా ఈ ఏడాది కూడా దాన్ని కొన‌సాగిస్తున్నారు.
అందుకు నేనేమి అతీతం కాదంటోంది శ్రుతి హాస‌న్. ఈ అమ్మ‌డు కూడా 2023 జ్ఞాప‌కాల్ని స్మ‌రించుకుంటు కొన్ని థింగ్స్ ని ఇన్ స్టా లో షేర్ చేసింది. 2023 అద్భుతంగా ఉంది. చాలా కృతజ్ఞతలు.. ఇంకా నా జీవితంలో ఏమి రాబోతుందో' అని ఎదురు చూస్తున్నాను అని రాసుకొచ్చింది. నిజ‌మే 2023 శ్రుతిహాసన్ కి ఎంతో క‌లిసొచ్చింది. 2022 లో ఎలాంటి సినిమాతో ప్రేక్ష‌కుల ముందుకు రాలేదు.
కానీ 2023 లో మాత్రం వ‌రుస విజ‌యాల‌తో మంచి ఊపు మీద‌నే ఏడాదిని ముగించ‌బోతుంది. 'వీర‌సింహా రెడ్డి'..'వాల్తేరు వీర‌య్య'తో అమ్మ‌డు వ‌రుస‌గా విజ‌యాలు ద‌క్కించుకున్న సంగ‌తి తెలిసిందే. ఇటీవ‌లే రిలీజ్ అయిన 'హాయ్ నాన్న'లో స్పెష‌ల్ అప్పిరియ‌న్స్ తో ఆక‌ట్టుకుంది. ఆ సినిమా కూడా మంచి విజ‌యం సాధించింది. ఇలా అమ్మ‌డికి 2023 లోమూడు విజ‌యాల‌తో హ్యాట్రిక్ అందుకుంద‌ని చెప్పొచ్చు. ఇక 'స‌లార్' మొదటి భాగంతో పాన్ ఇండియాని షేక్ చేయ‌డానికి రెడీ అవుతుంది.
క్రిస్మ‌స్ కానుక‌గా డిసెంబ‌ర్ లో ఆ సినిమా పాన్ ఇండియాలో రిలీజ్ అవుతోన్న సంగ‌తి తెలిసిందే. ఈ సినిమాపై భారీ అంచ‌నాలే ఉన్నాయి. ఇందులో ఆద్య పాత్ర‌లో శ్రుతి హాస‌న్ క‌నిపించ బోతుంది. ఈ సినిమాతో భారీ బ్లాక్ బ‌స్ట‌ర్ అందుకుని 2023 ని గ్రాండ్ గా ముగించ‌బోతుంద‌ని ఆశ‌లు పెట్టుకుంది. ఈ విష‌యంలో శ్రుతి హాస‌న్ చాలా ల‌క్కీ అని చెప్పాలి. ఇలా ఏడాదిని ముగించే అవ‌కాశం ఎవ‌రికోగానీ ద‌క్క‌దు. ఇప్పుడా ల‌క్కీ ఛాన్స్ శ్రుతి చేతిలో ఉంది. మ‌రి స‌లార్ ఎలాంటి టాక్ తో శ్రుతిహాసన్ సంతోషాన్ని రెట్టింపు చేస్తుందో చూడాలి.
