నాన్నది అలుపెరుగని పోరాటం

యూనివర్శిల్‌ స్టార్‌ కమల్‌ హాసన్‌ 63 ఏళ్ల సినీ ప్రస్థానం పూర్తి చేసుకున్నాడు. ఈ సందర్భంగా అభిమానులు పెద్ద ఎత్తున సోషల్‌ మీడియాలో సందడి చేస్తున్నారు. చిన్నప్పటి నుండి ఇప్పటి వరకు తన సినీ ప్రయాణం ను కొనసాగిస్తూనే ఉన్నాడు. కొన్ని వందల విభిన్నమైన పాత్రల్లో నటించిన కమల్‌ హాసన్‌ ఇప్పటికి వరుస సినిమాలతో దూసుకు పోతున్నాడు.

కమల్ హాసన్‌ ఫోటోలు వీడియోలు సోషల్‌ మీడియాలో వైరల్‌ అవుతున్నాయి. ఈ నేపథ్యంలో శృతి హాసన్ సోషల్‌ మీడియా ద్వారా స్పందించింది. తన తండ్రి సినీ ప్రయాణం అంత ఈజీగా సాగలేదు అంది. ఆయన సినీ ప్రయాణంలో ఎన్నో ఒడిదుడుకులు ఎదుర్కొన్నాడు. ఛాలెంజింగ్ పాత్రలు చేసే సమయంలో చాలా సార్లు ఇబ్బందులు ఎదుర్కొన్నారు.

సినీ పరిశ్రమ ఎదుగుదల కోసం తన వంతు కృషి చేశారు. ఆరు దశాబ్దాలుగా ఇండస్ట్రీకి సేవలు అందిస్తూనే ఉన్నాడు. ఆయన చేసిన పాత్రలు మరెవ్వరు కూడా చేయలేరు అన్నట్లుగా శృతి హాసన్ తన తండ్రి గురించి సోషల్‌ మీడియా ద్వారా షేర్ చేసింది.

ప్రస్తుతం కమల్‌ హాసన్ ఇండియన్ 2 సినిమాలో చేస్తున్నారు. అంతకు ముందు కమల్‌ నటించిన విక్రమ్ పాన్ ఇండియా రేంజ్ లో భారీ వసూళ్లు సాధించింది. దాదాపుగా రూ.300 కోట్ల వసూళ్లు సాధించినట్లుగా బాక్సాఫీస్ వర్గాల ద్వారా సమాచారం అందుతోంది. ఇండియన్ 2 సినిమా వెయ్యి కోట్ల టార్గెట్‌ తో విడుదల కాబోతుంది.