సిద్ధార్థ్ 'మిస్ యూ'.. టీజర్ ఎలా ఉందంటే?

హీరో సిద్ధార్థ్ కు టాలీవుడ్ సినీ ఇండస్ట్రీలో ఎలాంటి క్రేజ్ ఉందో అందరికీ తెలిసిందే. బాయ్స్, బొమ్మరిల్లు, ఓయ్, కొంచం ఇష్టం కొంచం కష్టం, ఓ మై ఫ్రెండ్ వంటి అనేక చిత్రాలతో తెలుగు సినీ ప్రియులను ఓ రేంజ్ లో అలరించారు. తన యాక్టింగ్ తో ఎంతో మెప్పించారు. టాలీవుడ్ మూవీ లవర్స్ హృదయాల్లో చెరగని స్థానాన్ని సంపాదించుకున్నారు.

గత ఏడాది రెండు చిత్రాలతో ప్రేక్షకుల ముందుకు వచ్చారు సిద్ధార్థ్. చాలా గ్యాప్ తర్వాత చిన్నా మూవీతో సూపర్ హిట్ అందుకున్నారు. రీసెంట్ గా వచ్చిన విలక్షణ నటుడు కమల్ హాసన్ ఇండియన్ -2 సినిమాలో కనిపించారు. కీలక పాత్రలో నటించి తన యాక్టింగ్ తో అలరించారు. ఇప్పుడు హీరోగా మిస్ యూ మూవీలో నటిస్తున్నారు.

కోలీవుడ్ డైరెక్టర్ రాజశేఖర్ ఆ చిత్రానికి దర్శకత్వం వహిస్తున్నారు. టాలీవుడ్ కింగ్ నాగార్జున నా సామి రంగా మూవీతో తెలుగు సినీ ప్రియులను మెప్పించిన ఆషిక రంగనాథ్ హీరోయిన్ గా నటిస్తున్నారు. 7 మైల్స్ పెర్ సెకండ్ ప్రొడక్షన్స్ సంస్థ నిర్మిస్తున్న ఆ చిత్రానికి గిబ్రాన్ సంగీతం అందిస్తున్నారు. ప్రస్తుతం తమిళంలో మాత్రమే తెరకెక్కుతున్న మిస్ యూ మూవీ తెలుగులో కూడా రీమేక్ అవ్వన్నున్నట్లు తెలుస్తోంది.

ఇప్పటికీ మేకర్స్ మిస్ యూ మూవీ ఫస్ట్ లుక్ ను రివీల్ చేసిన విషయం తెలిసిందే. హీరోలు మాధవన్, శివకార్తికేయన్, డైరెక్టర్ లోకేష్ కనగరాజ్‌ లాంఛ్ చేసిన ఫస్ట్ లుక్.. మంచి రెస్పాన్స్ అందుకుంది. తాజా మిస్ యూ మేకర్స్ క్రేజీ అప్డేట్ ఇచ్చారు. మూవీ టీజర్ ను మక్కల్ సెల్వం విజయ్ సేతుపతి చేతుల మీదుగా విడుదల చేశారు.

వన్ సౌత్ ఇండియన్ ఫిల్టర్ కాఫీ ఫర్ సర్వ్​.. వన్ ఫ్లాట్ వైట్ ఫర్ బ్యూటిఫుల్ లేడీ అంటూ సిద్ధార్థ్ చెబుతున్న క్రేజ్ డైలాగ్ తో టీజర్ స్టార్ట్ అయింది. ఆ తర్వాత యాక్షన్ సీక్వెన్స్ లో సిద్ధార్థ్ అదరగొడుతూ కనిపించారు. హీరోయిన్ ఆషిక రంగనాథ్ రోల్ ను రివీల్ చేశారు మేకర్స్. లవ్ మ్యారేజ్ మనలాంటి వాళ్లకు కలిసి రాదని ఒక వ్యక్తి సిద్దార్ధ్ తో చెప్పడం హైలైట్ గా నిలిచింది. ఓవరాల్ గా టీజర్ అందరినీ ఆకట్టుకుని సోషల్ మీడియాలో వైరల్ గా మారింది

అయితే టీజర్ అంతా ఫ్రెష్ గా అనిపిస్తుందని చెప్పడంలో ఎలాంటి డౌట్ అక్కర్లేదు. కంప్లీట్ లవ్ స్టోరీ గా మూవీ తెరకెక్కతుందని క్లారిటీ వచ్చేసింది. సిద్ధార్థ్ స్టైలిష్ లుక్ లో కనిపిస్తూ ఆకట్టుకున్నారు. ఆషిక తన క్యూట్ లుక్స్ తో మెస్మరైజ్ చేశారు. డైలాగ్స్ ఇంట్రెస్టింగ్ గా ఉన్నాయి. బ్యాక్ గ్రౌండ్ మ్యూజిక్ క్రేజీగా ఉంది. మరి టీజర్ తో పాజిటివ్ బజ్ క్రియేట్ చేస్తున్న మిస్ యూ మూవీ ఎలాంటి రిజల్ట్ ఆందుకుంటుందో వేచి చూడాలి.