అలా చేస్తే 15 రెట్లు లాభాలొచ్చేవి..కానీ ఆ ఛాన్స్ తీసుకోలేదు!

న‌టుడు సిద్దార్ధ్ జ‌ర్నీ సోసోగా సాగుతోన్న సంగ‌తి తెలిసిందే. స‌క్సెస్ కోసం పోరాటం చేస్తున్నా? ఫ‌లించ‌డం లేదు. చెప్పుకోవ‌డానికి చేతిలో సినిమాలున్నా? ఫ‌లితాలు మాత్రం ఆశాజాన‌కంగా రావ‌డం లేదు. ఆ మ‌ధ్య చిత్తా (చిన్నా) సినిమాతో విమ‌ర్శ‌కుల ప్ర‌శంసలందుకున్న సంగ‌తి తెలిసిందే. బాల‌ల‌పై లైంగిక దాడుల నేప‌థ్యంలో స‌మాజం తీరును ఉద్దేశించి చేసిన చిత్రం సిద్దార్ద్ కి మంచి పేరు తీసుకొచ్చింది.

క‌మ‌ర్శియ‌ల్ గా స‌క్స‌స్ కాలేదు కానీ సిద్దార్ద్ కెరీర్ లో ఓ గొప్ప చిత్రంగా మాత్రం నిలిచిపోయింది. చాలా కాలం త‌ర్వాత సిద్దార్ద్ పేరు ట్రెండింగ్ లోకి వ‌చ్చిందంటే? కార‌ణం `చిత్తా చిత్ర‌మే. `చిత్తా` త‌ర్వాత న‌టుడిగా మ‌రింత బిజీ అయ్యాడు. ప్ర‌స్తుతం `ఇండియ‌న్ -3`, `టెస్ట్` స‌హా మ‌రో చిత్రంలో న‌టిస్తున్నాడు. తాజాగా సిద్దార్ద్ ఇటీవల హైదరా బాద్ లో జ‌రిగిన‌ లిటరరీ ఫెస్టివల్ కు ముఖ్య అతిధిగా హాజ‌ర‌య్యాడు. ఈ సంద‌ర్భంగా `చిత్తా` సినిమా గురించి కొన్ని విష‌యాలు పంచుకున్నాడు.

`న‌టుడిగా క‌మ‌ర్శియ‌ల్ గా స‌క్సెస్ అయ్యే క‌థ‌ల‌ను ఎంచుకునే అవ‌కాశం ఉంది. కానీ నేను ఆ ఛాన్స్ తీసుకోలేదు. పిల్ల‌లకు భ‌ద్ర‌త ఎలా ఉంది? అన్న కోణంలో ఉన్న వాస్త‌వాన్ని స‌మాజానికి చెప్పాల కున్నా. `చిత్తా` సినిమాలో అదే చూపించాం. అందుకే ఆ సినిమా గురించి అంతా గొప్ప‌గా చెప్పుకుంటున్నారు. అవార్డులు ..రివార్డులు కూడా వ‌చ్చాయి. అదే క‌థ‌ని నేను ప్ర‌తీకారంతో ముగిస్తే...క‌మ‌ర్శియ‌ల్ గా ఆలోచించి చేస్తే 15 రెట్లు ఎక్కువ లాభాలు వ‌చ్చేవి.

కానీ నేను ఆ ఛాన్స్ తీసుకోలేదు. నేను సినిమాల్లో మహిళలను చెంపదెబ్బ కొట్టడం, ఐటెం సాంగ్స్ చేయడం, న‌టి నాభిని వేళ్ల‌తో రుద్ద‌డం, మ‌హిళ‌ల గురించి మ‌రికొన్ని ఇంట్రెస్టింగ్ విష‌యాలు చ‌ర్చించే సినిమాలు చేసే అవ‌కాశం ఉన్నా చేయ‌లేదు. అందుకు భిన్నంగా ఆలోచించాను. నాకు న‌చ్చింది మాత్ర‌మే చేయాల‌ను కున్నాను. అది స‌హ‌జంగా ఉండాల‌నుకున్నాను. అదే చేస్తున్నాను` అని అన్నాడు.