ఆ స్టార్ డైరెక్ట‌ర్ టిల్లుబాబుని సెట్ చేసాడా?

ఎంత పెద్ద డైరెక్ట‌ర్ కి అయినా హీరో దొర‌క‌డం క‌ష్టంగా మారిన సంగ‌తి తెలిసిందే. స్టార్ హీరోలంతా వేర్వేరు ప్రాజెక్ట్ ల‌తో బిజీగా ఉంటున్నారు. ఎప్పుడో జ‌రిగిన క‌మిట్ మెంట్ల‌ను ఒక్కొక్క‌టిగా పూర్తి చేసుకుంటూ వ‌స్తున్నారు. టైర్ -2 హీరోలు కూడా అంతే బిజీగా ఉంటున్నారు. పైగా టాలీవుడ్ ది పాన్ ఇండియా రేంజ్ కావ‌డంతో? హీరోల ప్లానింగ్ కూడా అదే లెవ‌ల్లో ఉంటుంది. ఈ నేప‌థ్యంలో ఆషామాషీ క‌థ‌ల‌తో అప్రోచ్ అయితే ప‌న‌వ్వ‌డం లేదు.

బ్లాక్ బ‌స్ట‌ర్ ఇచ్చిన డైరెక్ట‌ర్లు కూడా క్యూలో ఉంటున్నారు. `ఫ్యామిలీ స్టార్` త‌ర్వాత త‌ర్వాత ద‌ర్శ‌కుడు ప‌రుశురాం ఇంత వ‌ర‌కూ కొత్త ప్రాజెక్ట్ ప్ర‌క‌టించని సంగ‌తి తెలిసిందే. అంత‌కు ముందు మ‌హేష్ తో `స‌ర్కారు వారి పాట‌` అంటూ మాస్ హిట్ అందుకున్నాడు. అలాంటి డైరెక్ట‌ర్ ఫ్యామిలీ స్టార్ త‌ర్వాత హీరో కోసం ఎదురు చూడాల్సిన ప‌రిస్థితి వ‌చ్చింది. చూసి చూసి అత‌డు తాజాగా యంగ్ హీరో సిద్దు జొన్న‌ల‌గ‌డ్డ‌ను సెట్ చేసిన‌ట్లు తెలుస్తోంది.

ఇద్ద‌రి కాంబినేష‌న్ లో ఓ సినిమాకి రంగం సిద్ద‌మ‌వుతున్న‌ట్లు స‌మాచారం. ఇటీవ‌లే లైన్ వినిపించిన ప‌రుశురాం న‌చ్చ‌డంతో దాన్ని డెవ‌ల‌ప్ చేసే ప‌నిలో ఉన్నాడుట‌. ఆ ప‌నులు ఏడాది ద్వితియార్ధానికి పూర్త‌వుతాయ‌ని అం టున్నారు. అనంత‌రం చిత్రాన్ని ప‌ట్టాలెక్కించాల‌ని ప్లాన్ చేస్తున్నారట‌. ఈ చిత్రాన్ని నిర్మించ‌డానికి దిల్ రాజు ముందుకొచ్చారట‌.` ఫ్యామిలీ స్టార్` ని కూడా రాజుగారే నిర్మించిన సంగ‌తి తెలిసిందే.

అయితే ఈ సినిమా భారీ అంచ‌నాల మ‌ధ్య రిలీజ్ అయినా ఆశించిన ఫ‌లితాలు సాధించ‌లేదు. నిర్మాత‌కు న‌ష్టాలే తెచ్చి పెట్టింది. ఇప్పుడా న‌ష్టాల‌ను పూడ్చ‌డం కోసం మ‌రో సినిమా ప‌ర‌శురాం అదే బ్యాన‌ర్లో చేస్తున్న‌ట్లు ప్ర‌చారం జ‌రుగుతోంది. సిద్దు జొన్న‌ల గ‌డ్డ మంచి ఫాంలో ఉన్నాడు. యూత్ ఫుల్ హీరోగా మంచి క్రేజ్ ఉంది. యూత్ పుల్ స్టోరీలు రాయ‌డంలో ప‌ర‌శురాం స్పెష‌లిస్ట్ . ఈ నేప‌థ్యంలో సిద్దు కోసం మంచి స్టోరీ సిద్ద‌మ‌వుతుంద‌నే అంచ నాలున్నాయి.