మిస్టర్ బచ్చన్ లో యంగ్ హీరో… రోల్ ఏంటంటే?

మాస్ మహారాజ్ రవితేజ నుంచి మిస్టర్ బచ్చన్ ఆగష్టు 15న ప్రేక్షకుల ముందుకి రాబోతోంది. హరీష్ శంకర్ దర్శకత్వంలో తెరకెక్కిన ఈ సినిమా మాస్ కమర్షియల్ ఎంటర్టైనర్ గా రిలీజ్ కాబోతోంది. హిందీ హిట్ మూవీ రైడ్ కి రీమేక్ గా ఈ చిత్రాన్ని హరీష్ శంకర్ సిద్ధం చేశారు. భాగ్యశ్రీ బోర్సే మిస్టర్ బచ్చన్ సినిమాతో టాలీవుడ్ లోకి హీరోయిన్ గా అడుగుపెడుతోంది.

హిందీలో రైడ్ మూవీ సీరియస్ నోట్ లో ఉంటుంది. అయితే మిస్టర్ బచ్చన్ సినిమాని మాత్రం హరీష్ శంకర్ కంప్లీట్ గా ఎంటర్టైన్మెంట్ జోడించి రెడీ చేశాడు. ఇప్పటికే ఈ సినిమా నుంచి వచ్చిన సాంగ్స్, టీజర్ ని పాజిటివ్ రెస్పాన్స్ వచ్చింది. అలాగే పోస్టర్స్ కూడా బాగున్నాయనే టాక్ నడుస్తోంది. దీంతో కచ్చితంగా ఈ సినిమాతో రవితేజ, హరీష్ శంకర్ సూపర్ హిట్ కొడతారనే భావిస్తున్నారు.

ఇప్పటికే మూవీ బిజినెస్ డీల్స్ కూడా క్లోజ్ అయ్యాయి. ఇదిలా ఉంటే ఈ చిత్రంలో యంగ్ హీరో రౌడీ బాయ్ సిద్దు జొన్నలగడ్డ గెస్ట్ రోల్ లో కనిపించబోతున్నాడు. ఈ విషయం ఇప్పటికే బయటకొచ్చింది. అయితే మూవీలో సిద్దు ఎలాంటి పాత్రలో కనిపించబోతున్నాడు అనేది మాత్రం చిత్ర యూనిట్ సస్పెన్స్ గా ఉంచింది. టాలీవుడ్ సర్కిల్ లో వినిపిస్తోన్న టాక్ ప్రకారం సిద్దు జొన్నలగడ్డ మిస్టర్ బచ్చన్ మూవీ క్లైమాక్స్ లో కనిపిస్తాడంట.

ఆయన పాత్ర నిడివి 3 నిమిషాల వరకు ఉంటుందంట. ఫైట్ సీక్వెన్స్ లో సిద్దు కనిపిస్తాడని ప్రచారం నడుస్తోంది. అయితే సిద్దు క్యారెక్టరైజేషన్ ని హరీష్ శంకర్ ఎలా డిజైన్ చేసాడనేది పూర్తిగా తెలియదు. కానీ కచ్చితంగా ప్రేక్షకులని అతని క్యారెక్టర్ సర్ప్రైజ్ చేస్తుందని చిత్ర యూనిట్ బలంగా నమ్ముతోంది. సిద్దు జొన్నలగడ్డ ప్రస్తుతం పీపుల్స్ మీడియా ఫ్యాక్టరీలో తెలుసు కదా అనే మూవీ నీరజ కోన దర్శకత్వంలో చేస్తున్నారు.

మిస్టర్ బచ్చన్ సినిమాని కూడా పీపుల్స్ మీడియా ఫ్యాక్టరీ భారీ బడ్జెట్ తో నిర్మించింది. వరుసగా మూడు డిజాస్టర్స్ తర్వాత రవితేజ నుంచి మిస్టర్ బచ్చన్ సినిమా ప్రేక్షకుల ముందుకి వస్తోంది. అలాగే ఐదేళ్ల తర్వాత హరీష్ శంకర్ ఈ సినిమాతో తన లక్ టెస్ట్ చేసుకుంటున్నారు. దీంతో ఇద్దరికి కూడా మిస్టర్ బచ్చన్ మూవీ సక్సెస్ చాలా అవసరం అనే మాట వినిపిస్తోంది.