ఆరు ఎక‌రాల్లో సింగం కోసం RFC లో యాక్షన్ సెట్!
తాజాగా ఈ సినిమా షూటింగ్ కొద్ది రోజులుగా హైద‌రాబాద్ రామోజీ ఫిలింసిటీలో జ‌రుగుతోంది.
By: Tupaki Desk | 18 Oct 2023 1:30 PM GMT
భారీ తారాగ‌ణంతో 'సింగం' ప్రాంచైజీ నుంచి 'సింగం ఎగైన్' సెట్స్ కెళ్లిన సంగ‌తి తెలిసిందే. అజ‌య్ దేవ‌గ‌ణ్.. అక్ష‌య్ కుమార్.. ర‌ణ‌వీర్ సింగ్..క‌రీనా క‌పూర్...దీపికా ప‌దుకొణే లాంటి న‌టీన‌టుల‌తో 'సింగం' రేసులోకి దూసుకొస్తుంది. ద‌ర్శ‌కుడు రొహిత్ శెట్టి భారీ అంచ‌నాల మ‌ధ్య చిత్రాన్ని తెర‌కెక్కిస్తున్నారు. రొహిత్ శెట్టి మార్క్ యాక్షన్ ఎంట‌ర్ టైన‌ర్ గా రూపొందుతుంది. తాజాగా ఈ సినిమా షూటింగ్ కొద్ది రోజులుగా హైద‌రాబాద్ రామోజీ ఫిలింసిటీలో జ‌రుగుతోంది.
ఇటీవ‌లే చిత్ర యూనిట్ తో క‌రీనాక‌పూర్ కూడా జాయిన్ అయింది. ఈ సినిమా కోసం ఆర్ ఎఫ్ సీలో ఏకంగా ఓ భారీ సెట్ నిర్మించిన‌ట్లు తెలిసింది. ఏకంగా ఆరు ఎక‌రాల్లో ఈసెట్ నిర్మాణం చేప‌ట్టారు. ఇది కేవ‌లం యాక్షన్ స‌న్నివేశాల కోస‌మే ప్ర‌త్యేకంగా రూపొందించారుట. భారీ యాక్షన్ స‌న్నివేశాల్ని రోడ్ల‌పై చిత్రీక‌రిస్తే ఇబ్బందులు త‌లెత్తుతాయ‌ని భావించిన మేక‌ర్స్ ఓ ఖాళీ ప్ర‌దేశంలో రోడ్ సెట్ స‌హా స‌న్నివేశాల‌కు అవ‌స‌ర‌మైన అన్ని ర‌కాలుగా సెట్ ని రూపొందిం చిన‌ట్లు తెలుస్తోంది.
ఇందులో అజ‌య్ దేవ‌గ‌ణ్..అక్ష‌య్ కుమార్.. ర‌ణ‌వీర్ సింగ్..టైగ‌ర్ ష్రాప్..క‌రీనా క‌పూర్ త‌దిత‌రుల‌పై యాక్షన్ స‌న్నివేశాలు చిత్రీక‌రిస్తున్నారు. ఓ యాక్షన్ కాప్ స్టోరీ సినిమాకి ఈ రేంజ్ లో సెట్ వేడ‌యం అన్న‌ది ఇదే తొలిసారి.
సాధార‌ణంగా యాక్షన్ స‌న్నివేశాలంటే ఎక్కువ‌గా అల్యుమినియం ఫ్యాక్ట‌రీలో చిత్రీక‌రిస్తారు. అయితే బాలీవుడ్ సినిమాలు ఎక్కువ‌గా ఆర్ ఎప్ సీలోనే షూటింగ్ నిర్వ‌హిస్తారు. ఈనేప‌థ్యంలో సింగం ఎగైన్ వేదికైంది.
ఇంత‌వ‌ర‌కూ ఆర్ ఎఫ్ సీలో కేవ‌లం కొన్ని ప్రత్యేక సినిమాలు ..బాహుబ‌లి..ఆర్ ఆర్ ఆర్ లాంటి సినిమాల‌కు భారీ ఎత్తున సెట్స్ వేసారు. అందుకోసం ఎక‌రాలు..ఎక‌రాలు వినియోగించారు. తాజాగా ఓ బాలీవుడ్ యాక్షన్ సినిమా కోసం ఆర్ ఎఫ్ సీలో ఈ రేంజ్ లో సెట్ వేడ‌యం విశేష‌మ‌నే చెప్పాలి.
