వాళ్లిద్ద‌రి త‌ర్వాత సింగిల్ లెట‌ర్ తో సంచ‌ల‌న ద్వ‌యం!

ఇటీవ‌ల రిలీజ్ అయిన `క‌` బ్లాక్ బ‌స్ట‌ర్ దిశ‌గా దూసుకుపోతుంది. చిత్రానికి ప్రేక్ష‌కులు నీరాజ‌నాలు ప‌లుకుతున్నారు. యంగ్ హీరో కిర‌ణ్ అబ్బ‌వ‌రం చెప్పి మ‌రీ హిట్ కొట్టాడు. యంగ్ మేక‌ర్స్ సుజీత్-సందీప్ ద్వ‌యం పేరు ఇండ‌స్ట్రీలో మారు మ్రోగిపోతుంది. తొలి సినిమా వినూత్న‌వంగా తెర‌కెక్కించి విమ‌ర్శ‌కుల ప్ర‌శంస‌లందుకున్నారు. ఇద్ద‌రికీ ఇండ‌స్ట్రీలో మంచి భ‌విష్య‌త్ ఉంటుంద‌ని నీరాజ‌నాలు అందుకుంటున్నారు.

సింగిల్ లెట‌ర్ టైటిల్ తో రాజ‌మౌళి, శ్రీనువైట్ల త‌ర‌హాలో హిట్ అందుకున్న ద‌ర్శ‌కులుగా మారారు. రాజ‌మౌళి నితిన్ తో తెర‌కెక్కించిన `సై` ఎలాంటి విజ‌యం సాధించిందో తెలిసిందే. ర‌గ్బీ గేమ్ నేప‌థ్యానికి క‌మ‌ర్శియ‌ల్ ట‌చ్ అప్ తో తెరెక్కిన సినిమా అప్ప‌ట్లో మంచి విజ‌యం సాధించింది. శ్రీనువైట్ల కామెడీ నేప‌థ్యంలో తెరకెక్కించిన‌ `ఢీ` సైతం అదే త‌ర‌హా విజ‌యాన్ని న‌మోదు చేసింది. అలాగే సూప‌ర్ స్టార్ మ‌హేష్ కూడా సింగిల్ టెట‌ర్ టైటిల్ తో `1` ( నేనొక్క‌డినే) అనే సినిమా చేసారు.

సుకుమార్ ద‌ర్శ‌క‌త్వం వ‌హించిన ఆ సినిమా భారీ అంచ‌నాల మ‌ధ్య రిలీజ్ అయిన వాటిని అందుకోవ‌డంలో విఫ‌ల‌మైంది. అలాగే నేచుర‌ల్ స్టార్ నాని `వి`అనే థ్రిల్ల‌ర్ సినిమా చేసాడు. ఇంద్ర‌గంటి మోహ‌న్ కృష్ణ తెర‌కెక్కించిన ఈ సినిమా యావ‌రేజ్ గా ఆడింది. ఇక చియాన్ విక్ర‌మ్ హీరోగా శంక‌ర్ ద‌ర్శ‌క‌త్వంలో `ఐ` కూడా సింగిల్ లెట‌ర్ టైటిల్ సినిమానే.

ఈ చిత్రం కూడా భారీ అంచ‌నాల మ‌ధ్య రిలీజ్ అయింది. కానీ వాటిని అందుకోవ‌డంలో విఫ‌ల‌మైంది. శంక‌ర్-విక్ర‌మ్ నుంచి ఓ డిఫ‌రెంట్ సినిమా అనే ప్ర‌శంస త‌ప్ప క‌మ‌ర్శియ‌ల్ గా వ‌ర్కౌట్ కాలేదు. తాజాగా `క‌` స‌క్సెస్ నేప‌థ్యంలో సింగిల్ లెట‌ర్ టిటిల్స్ నెట్టింట వైర‌ల్ గా మారాయి. మ‌రి త‌దుప‌రి సింగిల్ లెటర్ టైటిల్ ఏ సినిమా అవుతుందో చూద్దాం.