సౌత్‌ హీరోకి ఆర్మీ నుంచి అరుదైన అవార్డ్‌
శివ కార్తికేయన్‌, సాయి పల్లవి జంటగా రూపొంది ఇటీవల ప్రేక్షకుల ముందుకు వచ్చిన 'అమరన్‌' సినిమా బాక్సాఫీస్ వద్ద భారీ వసూళ్లు సాధిస్తోంది.
By: Tupaki Desk | 29 Nov 2024 10:25 AM GMT
శివ కార్తికేయన్‌, సాయి పల్లవి జంటగా రూపొంది ఇటీవల ప్రేక్షకుల ముందుకు వచ్చిన 'అమరన్‌' సినిమా బాక్సాఫీస్ వద్ద భారీ వసూళ్లు సాధిస్తోంది. నాలుగు వారాలు పూర్తి అయిన తర్వాత కూడా తమిళనాడులోని పలు థియేటర్ల నుంచి మంచి వసూళ్లు నమోదు అవుతున్నాయి. నాలుగో వారం ఓటీటీ స్ట్రీమింగ్‌ కోసం వెయిట్ చేసిన ప్రేక్షకులు మరికొన్ని రోజులు వెయిట్ చేయాల్సి వచ్చింది. అమరన్‌ సినిమాతో విడుదల అయిన సినిమాలు ఓటీటీ స్ట్రీమింగ్‌ మొదలు అయ్యాయి. కానీ ఇప్పటి వరకు అమరన్‌ సినిమా మాత్రం ఓటీటీ ద్వారా ప్రేక్షకుల ముందుకు రాలేదు. మరో రెండు మూడు వారాల తర్వాత మాత్రమే ఓటీటీ ద్వారా వచ్చే అవకాశాలు ఉన్నాయి.
అమరన్‌ సినిమాలో మేజనర్‌ ముకుంద్‌ వరదరాజన్‌ జీవిత కథను చూపించడం జరిగింది. యూనివర్శిల్‌ స్టార్‌ కమల్‌ హాసన్‌ ఈ సినిమాను నిర్మించడం జరిగింది. ఈ సినిమాలో ఆర్మీ ఆఫీసర్‌ పాత్ర పోషించి ఇండియన్‌ ఆర్మీ గౌరవంను మరింతగా పెంచిన నటుడు శివ కార్తికేయన్‌కి అరుదైన గౌరవం దక్కింది. ఇండియన్‌ ఆర్మీ ఆఫీసర్స్‌ ట్రైనింగ్‌ అకాడమీ తరపున శివ కార్తికేయన్‌కి అవార్డును అందించడం జరిగింది. ఇండియన్‌ ఆర్మీ గౌరవం దక్కించుకున్న నటుడిగా శివ కార్తికేయన్‌ నిలిచారు. సినిమాతో ఆయనకు కోలీవుడ్‌లో స్టార్‌ ఇమేజ్‌ దక్కింది.
జీవి ప్రకాష్ సంగీతం అందించిన అమరన్‌ సినిమా బాక్సాఫీస్ వద్ద ఇప్పటి వరకు దాదాపుగా రూ.250 కోట్ల వసూళ్లు నమోదు చేసింది. లాంగ్‌ రన్‌లో ఈ సినిమా రూ.300 కోట్లు నమోదు చేసే అవకాశాలు ఉన్నాయని బాక్సాఫీస్ వర్గాల వారు అభిప్రాయం వ్యక్తం చేస్తున్నారు. అమరన్‌ సినిమా ఇండియన్‌ బాక్సాఫీస్ వద్ద సాధించిన వసూళ్లు కచ్చితంగా సంచలనంగా చెప్పుకోవచ్చు. మీడియం రేంజ్‌ బడ్జెట్‌తో రూపొందిన ఈ సినిమా బాక్సాఫీస్ వద్ద ఈ స్థాయి వసూళ్లను సొంతం చేసుకోవడం మామూలు విషయం కాదు అంటూ బాక్సాఫీస్ వర్గాల వారు అభిప్రాయం వ్యక్తం చేస్తున్నారు.
ముకుంద్‌ వరదరాజన్‌ పాత్రలో శివ కార్తికేయన్‌ నటించగా, ఆయన భార్య ఇందు రెబ్బెక్సా వర్గీస్ పాత్రలో సాయి పల్లవి నటించింది. సినిమాలో సాయి పల్లవి నటనకు సైతం విమర్శకుల ప్రశంసలు దక్కాయి. సినిమా పాన్‌ ఇండియా స్థాయిలో భారీ వసూళ్లు సాధించడంలో సాయి పల్లవి కీలక పాత్ర పోషించారు అంటూ అభిప్రాయం వ్యక్తం చేస్తున్నారు. శివ కార్తికేయన్‌ ఇకపై వరుసగా పాన్‌ ఇండియా మూవీస్ చేయాలని ఫ్యాన్స్‌ కోరుకుంటున్నారు. ప్రస్తుతం ఆయన మురుగదాస్‌ దర్శకత్వంలో ఒక సినిమాను చేస్తున్నారు. మరో వైపు సాయి పల్లవి తెలుగు లో తండేల్‌ సినిమాలో నాగ చైతన్యకు జోడీగా హీరోయిన్‌గా నటిస్తోంది.
