టీవీ యాంకర్ తో నేషనల్ క్రష్ రొమాన్స్
తమిళ టీవీ యాంకర్ గా ప్రేక్షకులకు పరిచయం అయ్యి, అటు నుంచి వచ్చిన గుర్తింపు మరియు క్రేజ్ తో కోలీవుడ్‌ లో అడుగు పెట్టి స్టార్‌ గా ఎదిగిన నటుడు శివ కార్తికేయన్‌
By: Tupaki Desk | 19 May 2024 6:14 AM GMT
తమిళ టీవీ యాంకర్ గా ప్రేక్షకులకు పరిచయం అయ్యి, అటు నుంచి వచ్చిన గుర్తింపు మరియు క్రేజ్ తో కోలీవుడ్‌ లో అడుగు పెట్టి స్టార్‌ గా ఎదిగిన నటుడు శివ కార్తికేయన్‌. యాంకర్ గా కెరీర్‌ ఆరంభించి తక్కువ సమయంలోనే తమిళ సినీ ఇండస్ట్రీలో స్టార్‌ హీరోల సరసన నిలిచిన శివ కార్తికేయన్‌ వరుస సినిమాలతో దూసుకు పోతున్నాడు.
చాలా తక్కువ సమయంలోనే పాతిక సినిమాలకు చేరువ అయిన శివ కార్తికేయన్‌ తన తదుపరి సినిమాను సిబి చక్రవర్తి దర్శకత్వంలో చేసేందుకు ఓకే చెప్పాడు. వీరిద్దరి కాంబో మూవీకి సంబంధించిన ప్రీ ప్రొడక్షన్ వర్క్ జరుగుతుంది. స్క్రిప్ట్‌ వర్క్ దాదాపుగా పూర్తి అవ్వగా హీరోయిన్‌ ఎంపిక కు చర్చలు జరిగాయట.
శివ కార్తికేయన్‌ తో జోడీగా నటించేందుకు గాను హీరోయిన్‌ గా నేషనల్ క్రష్ మన పుష్ప ప్రియురాలు శ్రీవల్లి రష్మిక మందన్న ని సంప్రదించారని తెలుస్తోంది. తెలుగు మరియు హిందీ సినిమాల్లో వరుసగా నటిస్తున్న రష్మిక మందన్నా ఇప్పటికే ధనుష్ తో నటిస్తుంది. తాజాగా శివ కార్తికేయన్‌ తో నటించేందుకు గ్రీన్‌ సిగ్నల్‌ ఇచ్చిందట.
చేతిలో అర డజను సినిమాలు ఉన్న ఈ అమ్మడు శివ కార్తికేయన్‌ తో నటించేందుకు ఒప్పుకోవడంతో ఆ సినిమా స్థాయి మరింతగా పెరిగినట్లు అయ్యిందని తమిళ మీడియా వర్గాల వారు అంటున్నారు. కమర్షియల్‌ సినిమాలు చేస్తూ సక్సెస్‌ లను దక్కించుకుంటున్న శివ కార్తికేయన్‌ కి రష్మిక తో రొమాన్స్ కలిసి వచ్చే అవకాశాలు ఉన్నాయి.
ప్రస్తుతం పుష్ప 2 తో పాటు ధనుష్ తో కుబేరా సినిమాలో రష్మిక నటిస్తున్న విషయం తెల్సిందే. అంతే కాకుండా హిందీలో రెండు పెద్ద సినిమాలకు కమిట్‌ అయ్యింది. అందులో ఒకటి ఇప్పటికే అధికారిక ప్రకటన కూడా వచ్చింది. కోలీవుడ్‌ లో రెండు సినిమాలు చేస్తున్న ఈ అమ్మడు ఆ రెంటితో కూడా హిట్‌ కొట్టడం ఖాయంగా కనిపిస్తుంది.
