స్కంద.. ఆ రికార్డ్ మిస్సయ్యిందే!

రామ్ పోతినేని హీరోగా బోయపాటి శ్రీను దర్శకత్వంలో వచ్చిన స్కంద మూవీ తాజాగా ప్రేక్షకుల ముందుకి వచ్చింది. మొదటి రోజు నుంచి సినిమా డివైడ్ టాక్ తో నడుస్తోంది. బోయపాటి కెరియర్ లో వినయ విదేయ రామ మూవీ పెద్ద పీడకల. దానిని బీట్ చేసేలా స్కంద ఉందనే మాట వినిపిస్తోంది. ఇదిలా ఉంటే ఈ సినిమా టైర్ 2 హీరోలలో నాని దసరా మూవీతో క్రియేట్ చేసిన హైయెస్ట్ కలెక్షన్స్ రికార్డ్ ని అందుకుంటాడని అందరూ భావించారు.

అయితే ఆ సినిమా సమీపంలోకి కూడా స్కంద రాలేకపోయింది. మార్నింగ్ షో టాక్ బాగుంటే కలెక్షన్స్ పెరిగి ఉండేవి. అయితే మౌత్ టాక్ ఎప్పుడైతే డివైడ్ అని వచ్చిందో సినిమాపై ఆడియన్స్ రియాక్షన్ తగ్గింది. నైజాంలో కూడా టైర్ 2 హీరోల చిత్రాలలో ఇప్పటి వరకు ఫస్ట్ డే హైయెస్ట్ కలెక్షన్స్ సాధించిన చిత్రాల జాబితాలో దసరా ఉంది. ఈ మూవీ ఏకంగా 6.79 కోట్లు కలెక్ట్ చేసింది.

విజయ్ దేవరకొండ ఖుషి సినిమా దగ్గరకి వచ్చిన 5.15 కోట్లతో రెండో స్థానానికి పరిమితం అయ్యింది. తరువాత దేవరకొండ లైగర్ 4.26 కోట్లతో మూడో స్థానంలో ఉండగా, నాలుగో స్థానంలో రామ్ పోతినేని ఇస్మార్ట్ శంకర్ 3.36 కోట్లతో నిలిచింది. తాజాగా వచ్చిన స్కంద మూవీ కనీసం ఇస్మార్ట్ శంకర్ కలెక్షన్స్ రికార్డ్ ని కూడా బ్రేక్ చేయలేకపోవడం గమనార్హం. అయితే 3.23 కలెక్షన్స్ తో స్కంద ఐదో స్థానంలో ఈ జాబితాలో నిలిచింది.

తరువాత 3.10 కోట్లతో నాని ఎంసీఏ, 3.06 కోట్లతో నాగ చైతన్య లవ్ స్టొరీ, 3.04 కలెక్షన్స్ తో వైష్ణవ్ తేజ్ మొదటి చిత్రంతోనే మంచి ఓపెనింగ్స్ నైజాం ఏరియాలో సొంతం చేసుకొని ఎనిమిదో స్థానంలో ఉన్నారు. డియర్ కామ్రేడ్ మూవీకి 2.75 కోట్లు ఫస్ట్ డే నైజాం ఏరియాలో వచ్చాయి. అక్కినేని అఖిల్ ఫస్ట్ సినిమా అఖిల్ కి కూడా మొదటి రోజు నైజాం లో 2.31 కోట్ల కలెక్షన్స్ రావడం విశేషం.

టైర్ 2 హీరోల జాబితాలో నాని దసరాతో క్రియేట్ చేసిన రికార్డుని ఇప్పట్లో ఎవరూ టచ్ చేయలేకపోవచ్చు. ఎక్స్ట్రా ఆర్డినరీ సినిమాతో నితిన్ దసరా సినిమా కలెక్షన్స్ ని అందుకోవడానికి స్కోప్ ఉంది. అయితే ఎంత వరకు సాధ్యం అవుతుందనేది చెప్పలేం.