స్కంద కలెక్షన్స్.. రామ్ బెస్ట్ ఓపెనింగ్స్

బోయపాటి దర్శకత్వంలో రామ్ పోతినేని నటించిన బిగ్ మాస్ మసాలా యాక్షన్ మూవీ స్కంద గురువారం రోజు ప్రపంచ వ్యాప్తంగా రిలీజ్ అయింది. ఈ సినిమా రామ్ కెరీర్ లోనే ఇది అత్యధిక థియేటర్లలో విడుదల కావడం విశేషం. ఇక ఈ సినిమాలో రామ్ కు జోడిగా శ్రీలీలా నటించగా ఒక ప్రత్యేకమైన పాత్రలో శ్రీకాంత్ కనిపించారు.

ఇక సినిమాకు సంబంధించిన బాక్సాఫీస్ కలెక్షన్స్ పై చిత్ర యూనిట్ ఒక క్లారిటీ ఇచ్చింది. స్కంద సినిమా మొదటి రోజు బాగానే రాబట్టింది అని చిత్ర యూనిట్ తెలియజేసింది. ముఖ్యంగా మాస్ సెంటర్లలో ఈ సినిమాకు మంచి కలెక్షన్స్ అయితే వచ్చాయి. ఇదివరకే రామ్ కొన్నిసార్లు మాస్ సినిమాలతో మంచి క్రేజ్ అందుకోవడం ఈ సినిమాకు కూడా బాగా హెల్ప్ అయ్యింది.

తెలంగాణ యాసలో పలు డైలాగ్స్ సినిమాలో బాగానే క్లిక్ అయ్యాయి. ఇక మరికొన్ని యాక్షన్ సన్నివేశాలకు కూడా అద్భుతమైన రెస్పాన్స్ వచ్చింది. బాక్సాఫీస్ వద్ద బోయపాటి రామ్ కాంబినేషన్ అద్భుతమైన రెస్పాన్స్ అందుకుంది. ముఖ్యంగా రామ్ కెరీర్ లోనే రెండు తెలుగు రాష్ట్రాల్లోనే బెస్ట్ ఓపెనింగ్స్ రాబట్టిన సినిమాగా స్కంధ నిలిచింది.

ఇక ఏరియాల వారిగా ఈ సినిమా అందుకున్న షేర్ కలెక్షన్స్ ఈ విధంగా ఉన్నాయి. నైజాంలో 3.23 కోట్లు సీడెడ్ లో 1.22 కోట్లు, వైజాగ్ లో 1.19 కోట్లు, ఈస్ట్ లో 59 లక్షలు, వెస్ట్ లో 41 లక్షలు

కృష్ణాలో 45 లక్షలు,.గుంటూరులో 1.04 కోట్లు, నెల్లూరులో 49 లక్షలు షేర్ లభించింది.

ఈ విధంగా ఆంధ్రప్రదేశ్ తెలంగాణలో స్కంద సినిమా మొదటి రోజు 8.62 కోట్ల రేంజ్ లో షేర్ కలెక్షన్స్ సొంతం చేసుకుంది. మాస్ హీరోగా మరోసారి రామ్ బాక్సాఫీస్ వద్ద బెస్ట్ నెంబర్స్ నమోదు చేశాడు. ఈ సినిమాకు థమన్ సంగీతం అందించగా స్పెషల్ సాంగ్ లో ఊర్వశి రౌతెల కనిపించిన విషయం తెలిసిందే.