పిక్‌టాక్ : స్టైలిష్ అవతార్‌లో సోభితా

తెలుగు అమ్మాయిలు హీరోయిన్‌గా ఆఫర్లు దక్కించుకోవడం కష్టం అనుకుంటున్న సమయంలో బాలీవుడ్‌, టాలీవుడ్‌, కోలీవుడ్‌లోనూ సినిమాలు చేసి నటిగా తనను తాను నిరూపించుకున్న ముద్దుగుమ్మ శోభితా ధూళిపాలా. 2013లో మిస్‌ ఇండియా పోటీల్లో పాల్గొని మిస్‌ ఇండియా ఎర్త్‌ 2013 టైటిల్‌ను గెలుచుకుంది. మిస్‌ ఎర్త్‌ 2013లో భారతదేశానికి ప్రాతినిధ్యం వహించింది. ఈమె అనురాగ్‌ కశ్యప్‌ దర్శకత్వంలో వచ్చిన రామన్‌ రాఘవ్‌ సినిమాతో 2016లో సినిమా ఇండస్ట్రీలో అడుగు పెట్టింది. ఆ తర్వాత అమెజాన్‌లో స్ట్రీమింగ్‌ అయిన మేడ్‌ ఇన్ హెవెన్‌ సిరీస్‌తో నటిగా మంచి గుర్తింపు సొంతం చేసుకుని హిందీ ప్రేక్షకుల అభిమానంను సొంతం చేసుకుంది.

టాలీవుడ్‌లో గూఢాచారి, మేజర్ సినిమాల్లో నటించడం ద్వారా తెలుగు ప్రేక్షకులకు చేరువ అయింది. తమిళ్‌ మూవీ పొన్నియిన్ సెల్వన్‌ లో ఈ అమ్మడు నటించిన విషయం తెల్సిందే. మలయాళ సినిమాలోనూ ఈమె నటించింది. నాలుగు భాషల్లో నటించిన హీరోయిన్స్ జాబితాలో ఈమె చోటు సంపాదించింది. టాలీవుడ్‌తో పాటు బాలీవుడ్‌లో మరిన్ని సినిమాలు చేసేందుకు రెడీ అవుతున్న శోభితా తాజాగా పెళ్లి పీటలు ఎక్కేందుకు సిద్ధం అయింది. టాలీవుడ్‌ స్టార్‌ హీరో నాగ చైతన్యతో ఈమె పెళ్లికి రెడీ అవుతోంది. అతి త్వరలోనే ఈమె వివాహ వేడుక వైభవంగా జరగబోతున్న విషయం తెల్సిందే.

శోభితా తెలుగు అమ్మాయి అయినా మోడలింగ్‌ తో ఇండస్ట్రీలో అడుగు పెట్టిన కారణంగా రెగ్యులర్‌గా సోషల్‌ మీడియాలో అందాల ఆరబోత ఫోటోలను షేర్‌ చేయడం కామన్‌గా జరుగుతూ ఉంటుంది. తాజాగా ఈమె షేర్‌ చేసిన ఫోటోలు వైరల్‌ అవుతున్నాయి. ఇటీవల పెళ్లి ఏర్పాట్లు ప్రారంభిస్తూ చీర కట్టులో కనిపించిన శోభిత ఇప్పుడు ఇలా మోడ్రన్‌ డ్రెస్‌లో కనిపించింది. బ్లాక్ అండ్‌ వైట్‌ డ్రెస్‌లో థైస్‌ అందాలను చూపిస్తూ టాప్‌ లెస్‌ ఔట్‌ ఫిట్‌ తో ఆకట్టుకునే విధంగా లుక్ ఉంది అంటూ నెటిజన్స్‌ తో పాటు ప్రతి ఒక్కరు కామెంట్స్ చేస్తున్నారు.

నాగ చైతన్యతో ఈమె వివాహం గురించి మొదట అంతా షాక్‌ అయ్యారు. ఈమెకి చైతూకి ఎక్కడ కుదిరింది అనే చర్చ చాలా కాలం సాగింది. మొన్నటి వరకు వీరి ప్రేమ వార్తలు కేవలం పుకార్లే అయ్యి ఉంటాయని అంతా భావించారు. కానీ తాజాగా వీరిద్దరూ వివాహ నిశ్చితార్థంతో తమ ప్రేమ విషయాన్ని అఫిషియల్‌ చేశారు. త్వరలోనే పెళ్లి పీటలు ఎక్కబోతున్న వీరు ప్రస్తుతం పెళ్లి ఏర్పాట్లలో బిజీగా ఉన్నారు. మరో వైపు సినిమాలతో ఇద్దరూ చాలా బిజీగా ఉన్నారు. చైతూ త్వరలో తండేల్‌ సినిమాతో ప్రేక్షకుల ముందుకు రాబోతున్న విషయం తెల్సిందే. శోభిత సైతం హిందీ వెబ్‌ సిరీస్‌తో పాటు సినిమాల్లోనూ నటిస్తోంది.