లారెన్స్ బిష్ణోయ్ కంటే స‌ల్మాన్ ఖాన్ ప్ర‌మాద‌క‌రం!

బాలీవుడ్ న‌టుడు స‌ల్మాన్ ఖాన్ ని చంపేస్తానంటూ లారెన్స్ బిష్ణోయ్ గ్యాంగ్ తిరుగుతోన్న సంగ‌తి తెలిసిందే. హై సెక్యుర్టీ మ‌ధ్య స‌ల్మాన్ ఖాన్ త‌న కార్య‌క‌లాపాలు పూర్తి చేస్తున్నాడు. అయితే లారెన్స్ బిష్ణోయ్ కంటే స‌ల్మాన్ ఖాన్ అత్యంత ప్ర‌మాద‌ర‌క‌ర‌మ‌ని స‌ల్మాన్ ఖాన్ మాజీ ప్రేయ‌సి సోమీ అలీ సంచ‌ల‌న వ్యాఖ్య‌లు చేసింది. గ‌తంలో స‌ల్మాన్ ఖాన్-సోమీ అలీ ఎనిమిదేళ్ల పాటు రిలేష‌న్ షిప్ లో ఉన్న సంగ‌తి ప్ర‌పంచానికి తెలిసిందే.

స‌ల్మాన్ ఖాన్ ఖాన్ త‌న‌తో ప్ర‌వ‌ర్తించిన విధంగా ఇంకెవ‌రితోనూ ప్ర‌వ‌ర్తించ‌లేదంది. `సంగీతా బిజ్లానీ, క‌త్రినా కైఫ్ తో చాలా మంచిగా ఉండేవాడు. కానీ నాతో మాత్రం అలా ఉండేవాడు కాదు. ఏదో క‌క్ష‌పూరితంగా వ్య‌వ‌రించేవాడు. గ‌తంలో ఓసారి ఐశ్వ‌ర్యారాయ్ తోకూడా అస‌భ్య‌క‌రంగా రూడ్ గా ప్ర‌వ‌ర్తించాడ‌ని, అత‌డి వ‌ల్లే ఆమె భుజానాకి కూడా గాయ‌మైందంద‌ని ఆరోపించింది. ఓసారి స‌ల్మాన్ ఖాన్ న‌న్ను కొడుతుంటే ప‌నిమ‌నిషి త‌లుపులు వేసి కాపాడింద‌ని ఆరోపించింది.

అందుకే లారెన్స్ బిష్ణోయ్ కంటే స‌ల్మాన్ ఖాన్ ప్రమాద‌క‌రంగా వ‌ర్ణించాన‌ని తెలిపింది. `గ‌తంలో ట‌బు నా ప‌రిస్థితి చూసి ఎంతో బాధ‌ప‌డింది. ఆ స‌మ‌యంలో నేను ఎలా ఉన్నానో క‌నీసం చూడ‌టానికి కూడా స‌ల్మాన్ ఖాన్ రాలేదు. స‌ల్మాన్ తో నేను ప‌డిన క‌ష్టాలు, నాకు, నా కుటుంబం, స్నేహితుల‌కు త‌ప్ప ఇంకెవ‌రికీ తెలియ‌వు అంది. ప్ర‌స్తుతం ఓ పుస్తకం రాస్తున్నా. అందులో చాలా విష‌యాలు ఉంటాయ‌ని తెలిపింది.

దీంతో ఆ పుస్త‌కంలో స‌ల్మాన్ ఖాన్ గురించి ఆస‌క్తిక‌ర విష‌యాలు రాసే అవ‌కాశం ఉంద‌ని తెలుస్తోంది. ప్ర‌స్తుతం ఈ వ్యాఖ్య‌లు నెట్టింట వైర‌ల్ గా మారాయి. మ‌రి వీటిపై స‌ల్మాన్ ఖాన్ రియాక్ష‌న్ ఎలా ఉంటుందో చూడాలి. బాలీవుడ్ లో చాలా మంది హీరోయిన్ల‌తో స‌ల్మాన్ ఖాన్ రిలేష‌న్ షిప్ కొన‌సాగించిన సంగ‌తి తెలిసిందే.