ఎగురుతోన్న విమానంలో న‌వ‌దంప‌తుల స‌ర‌సాలు!

సోనాక్షి సిన్హా-జ‌హీర్ ఇక్బాల్ ఇటీవ‌ల ప్రేమ వివాహం చేసుకున్న సంగ‌తి తెలిసిందే. ఇరువురు కుటుంబ స‌భ్యుల్ని ఒప్పించి వివాహం చేసుకున్నారు. ముఖ్యంగా జ‌హీర్ ని ఎంతో ప్రేమించి సోనాక్షి పెళ్లాడింది. జ‌హీర్ అంటే? త‌న‌కెంత ఇష్టం అన్న‌ది ఇప్ప‌టికే ఎన్నో సంద‌ర్భాల్లో రుజువు చేసింది. వివాహం అనంత‌రం వేరుకాపురం పెట్టాల‌నీ జ‌హీర్ ఇక్బాల్ ప్లాన్ చేసుకున్నా? అందుకు సోనాక్షి ఒప్పుకోలేదు. అత్తింటి కుటుంబంతో ఉమ్మ డిగానే కొన్నాళ్ల పాటు క‌లిసి ఉండాల‌ని నిర్ణ‌యించుకున్నారు.

ఇప్పుడు సోనాక్షి అత్తింటిలోనే ఉంటుంది. అదే అపార్ట్ మెంట్ జ‌హీర్ కుటుంబ స‌భ్యులు కూడా ఉంటున్నారు. ఇలా ఉమ్మ‌డి కుటుంబ వ్య‌వ‌స్థ‌కు తానెప్పుడు వ్య‌తిరేకం కాద‌ని సోనాక్షి రుజువు చేసింది. తాజాగా ఈ జోడీ విదేశాలు చెక్కే స్తోన్న వీడియో ఒక‌టి వైర‌ల్ అవుతుంది. ఇందులో సోనాక్షి-జ‌హీర్ ల‌ను గాల్లో ఎగురుతోన్న విమానంలో చూడొచ్చు. సోనాక్షి సీటులు కుర్చుని ముక్కు..మూతికి మాస్క్ ధ‌రించింది. సీట్ లో క‌ళ్లు మూసుకుని నిద్ర‌పోతుంది.

ఆ ప‌క్క‌నే జ‌హీర్ ఇక్బాల్ ఉన్నాడు. అత‌డు మాత్రం సోనాక్షిని ప‌డుకోనివ్వ‌డం లేదు. భార్య‌తో స‌ర‌సాలా డుతున్నాడు. సోనాక్షి మాస్క్ ని పీకేసి స‌ర‌సమాడాడు. దీంతో సోనాక్షి టపీ ట‌పీ మ‌ని రెండు దెబ్బ‌లు వేస్తుంది. దీంతో ఇద్ద‌రు కాసేపు స‌ర‌దాగా న‌వ్వుకున్నారు. ఆ వీడియో సోష‌ల్ మీడియాలో పోస్ట్ చేసి నేటి జ‌నుల్ని న‌వ్వించారు. ప్ర‌స్తుతం ఈ వీడియో నెట్టింట వైర‌ల్ గా మారింది. ఇద్ద‌రి మ‌ధ్య అన్యోన్య‌త‌ని చెప్ప‌డానికి ఇంత‌కు మించి సాక్ష్యం ఇంకేం కావాలి.

న‌వ దంప‌తులు ఇద్ద‌రు ఎంతో సంతోషంగా క‌నిపిస్తున్నారు. ఇక సోనాక్షి సిన్హా న‌టిగా బిజీగా ఉన్న సంగ‌తి తెలిసిందే. బాలీవుడ్ లో న‌టిస్తోన్న రెండు చిత్రాలు ఆన్ సెట్స్ లో ఉన్నాయి. ఓ సినిమా షూటింగ్ పూర్తిచేసుకుని పోస్ట్ ప్రొడ‌క్ష‌న్ లో ఉంది. మ‌రోవైపు జ‌హీర్ ఇక్బాల్ కూడా రైట‌ర్ గా బిజీగా ఉన్నాడు.