యానిమల్ కిక్కులో తెలుగు యాంకర్

యానిమల్ సినిమాలో విలన్ బాబీ డియోల్ ఇంట్రడక్షన్ సాంగ్ ఇప్పుడు సోషల్ మీడియాలో పాపులర్ అయిపొయింది. ఎంతలా అంటే ఈ సాంగ్ ఉపయోగించుకొని షార్ట్ వీడియోలు సైతం క్రియేట్ చేస్తున్నారు. పుష్ప సాంగ్స్ తరహాలోనే ఈ బిట్ సాంగ్ భాగా ట్రెండింగ్ అవుతోంది. సాంగ్ కి అందులో బాబీ డియోల్ పెర్ఫార్మెన్స్ కి ఆడియన్స్ బీభత్సంగా కనెక్ట్ అయిపోయారు.

ఈ కారణంగానే సాంగ్ కి అంత హైప్ వచ్చింది. ఇదిలా ఉంటే ఈ సాంగ్ తో ఇప్పుడు సెలబ్రిటీలు సైతం డాన్స్ షార్ట్ వీడియోలని ఇన్ స్టాగ్రామ్ లో పోస్ట్ చేస్తున్నారు. ఆ వీడియోలు సైతం వైరల్ అవుతున్నాయి. బిగ్ బాస్ ఫేమ్, తెలుగు యాంకర్ స్రవంతి చొక్కరపు తన ఇన్ స్టాలో షేర్ చేసిన వీడియో సైతం ట్రెండ్ అవుతోంది. యానిమల్ లోని సాంగ్ కి ఈ బ్యూటీ వైన్ గ్లాస్ టైపులో జ్యూస్ పట్టుకొని డాన్స్ చేస్తూ సందడి చేసింది.

ఈ వీడియోలో అమ్మడు జీన్ ప్యాంట్, జాకెట్ ధరించి అందాలతో కనువిందు చేసింది. దీంతో స్రవంతి ఫాలోవర్స్ ఈ వీడియోని తెగ చూస్తున్నారు. సాంగ్ కి తగ్గట్లుగా స్రవంతి ఎక్స్ ప్రెషన్ కూడా ఆకట్టుకోవడం విశేషం. మొత్తానికి యానిమల్ సాంగ్ ని సందీప్ రెడ్డి వంగా సోషల్ మీడియాలో అందరిని యాక్టివ్ చేశారు. గతంలో పుష్ప సాంగ్స్ ఎంతగా షార్ట్ వీడియోల రూపంలో వైరల్ అయ్యాయో యానిమల్ సాంగ్స్ కూడా అంతగా అవుతూ ఉండటం విశేషం.

ఇక యానిమల్ మూవీ కూడా రికార్డ్ స్థాయిలో కలెక్షన్స్ సొంతం చేసుకుంటూ దూసుకుపోతోంది. రణబీర్ కపూర్ కెరియర్ లోనే హైయెస్ట్ గ్రాస్ అందుకునే దిశగా అడుగులు వేస్తోంది. తెలుగు రాష్ట్రాలలో కూడా ఈ సినిమా 50 కోట్ల కలెక్షన్స్ కి రీచ్ అయ్యింది. ప్రపంచ వ్యాప్తంగా 500 కోట్లపైగా అందుకున్నట్లు తెలుస్తోంది.

లాంగ్ రన్ లో మూవీ వెయ్యి కోట్ల మార్క్ ని అందుకునే అవకాశం ఉందని ట్రేడ్ పండితులు చెబుతున్నారు. యానిమల్ లోని సాంగ్స్ అన్ని కూడా ఇప్పుడు ట్రెండింగ్ లో దూసుకుపోతున్నాయి.