'రేంజ్' ఎంతో చూపించిన‌ తెలుగు న‌టి!

'పుష్ప 2' ట్రైలర్ వ‌చ్చింది. ట్రైల‌ర్ లో శ్రీ‌లీల గ్లింప్స్ ఏదైనా ఉంటుందా? అని అభిమానులు ఆశ‌గా ఎదురు చూసారు. నిరాశ ఎదురైన‌వారికి ఇక‌పై ఉంది మ‌స్తు మ‌జా.. ముందుంది అస‌లైన ట్రీట్. ఈసారి శ్రీలీల తన డ్యాన్స్ నంబర్ కిస్సిక్‌తో ఫ్యాన్స్ ముందుకు రాబోతోంది. శ్రీలీల ఎన‌ర్జిటిక్ డ్యాన్సులు బోల్డ్ ఎలివేష‌న్స్ కోసం క‌ళ్లు కాయలు కాసేలా ఎదురు చూస్తున్న యూత్ ముందుకు కొత్త క‌బురుతో వ‌చ్చింది శ్రీలీల‌.

త‌న త‌దుప‌రి సినిమా రిలీజ్‌కి ముందే శ్రీ‌లీల త‌న రేంజు ఎంతో చూపిస్తోంది. అది కూడా రూ. 3 కోట్ల ఖ‌రీదైన‌ రేంజ్ రోవ‌ర్ ని కొనుగోలు చేయ‌డం ద్వారా త‌న రేంజును ఎదుటివారికి రుచి చూపిస్తోంది. నిర్మాత‌లు త‌న‌కు రూ.5 కోట్ల రేంజులో పారితోషికం ఇవ్వాలంటే క‌నీసం 3 కోట్లలో రేంజు రోవ‌ర్ మెయింటెయిన్ చేయ‌క‌పోతే ఎలా? అందుకే మొన్న విమానాశ్ర‌యంలో ఇలా ఖ‌రీదైన రేంజ్ రోవ‌ర్ లో ప్ర‌త్య‌క్ష‌మైంది.

క‌థానాయిక‌లు అందుకునే పారితోషికాల‌కు త‌గ్గ‌ట్టే మెయింటెనెన్స్ పెరుగుతుంది. చూస్తుండ‌గానే నాలుగైదేళ్ల‌లోనే పెద్ద స్టార్ అయిపోయింది శ్రీలీల‌. ప్ర‌తిభ ఉంటే అస‌లు హిట్టు ఫ‌ట్టుతో సంబంధం లేకుండా ఎదిగేయ‌డం సాధ్య‌మేన‌ని నిరూపించింది ఈ యంగ్ బ్యూటీ. అద్భుత‌మైన న‌ట‌న‌, డ్యాన్సింగ్ స్కిల్స్, హ‌ద్దులు చెరిపేసే గ్లామ‌ర్ ఎలివేష‌న్ తో వేగంగా గ్లామ్ వ‌ర‌ల్డ్ కి క‌నెక్ట‌యిపోవ‌డం సులువు అని నిరూపించింది శ్రీ‌లీల‌.

శ్రీ‌లీల త‌దుప‌రి వ‌రుస‌గా భారీ చిత్రాల‌తో అభిమానుల ముందుకు రానుంది. తొలిగా పుష్ప 2లో స్పెష‌ల్ నంబ‌ర్ తో అల‌రిస్తుంది. అటుపై నితిన్ 'రాబిన్‌హుడ్‌'లో క‌నిపించ‌నుంది. మాస్ జాత‌ర అనే సినిమాలోను శ్రీ‌లీల న‌టిస్తోంది. ప‌వ‌న్ క‌ల్యాణ్ 'ఉస్తాద్ భగత్ సింగ్' సహా పలు హిందీ చిత్రాలలోను న‌టిస్తూ తన రేంజును పెంచుకుంటోంది. తెలుగు-త‌మిళం-హిందీలో మూడు ముక్క‌లాట ఆడుతోంది ఈ బ్యూటీ.