ఈ పాప కూడా పారితోషకం పెంచేస్తోంది..

పెళ్లి సందD మూవీతో తెలుగు తెరకు పరిచయం అయ్యింది బ్యూటీ శ్రీలీల . తెలుగులో అడుగుపెట్టడానికి మందే కన్నడలో రెండు సినిమాలు చేసింది. అక్కడ కాస్త గుర్తింపు తెచ్చుకున్న ఈ తెలుగు అందం ఆ తర్వాత తెలుగులోకి అడుగుపెట్టింది. మొదటి సినిమాతోనే అందరి దృష్టి ఆకర్షించేసింది.

సినిమా స్టోరీ పాత చింతకాయ పచ్చడిలా ఉంది కాబట్టి క్లిక్ అవ్వలేదు. కానీ, శ్రీలీల నటన, అందానికి అందరూ ఫిదా అయిపోయారు. ఆ తర్వాత ధమాకా సినిమాతో రవితేజ తో జతకట్టింది. ఈ సినిమా లో ఆమె డ్యాన్స్ ఇరగదీసింది.

దీంతో, ఆమెకు వరసగా ఆఫర్లు క్యూలు కడుతున్నాయి. ఎంతలా ఉంటే, టాలీవుడ్ లో రిలీజ్ కి దగ్గరపడుతున్న ఏ సినిమా చూసినా అందులో శ్రీలీలే కనిపించడం విశేషం. రాబోయే చిత్రాల్లోనూ ఆమెనే తీసుకోవాలని మేకర్స్ చూస్తున్నారు. ఈ క్రమంలో తనకు ఉన్న క్రేజ్ ని దృష్టిలో ఉంచుకొని ఈ బ్యూటీ కూడా రెమ్యూనరేషన్ పెంచేయడం విశేషం.

ఇటీవల నితిన్ , వెంకీ కుడుముల కాంబినేషన్ లో వస్తున్న సినిమాలో శ్రీలీలను హీరోయిన్ గా తీసుకున్న విషయం తెలిసిందే. రష్మిక ఈ ప్రాజెక్ట్ నుంచి తప్పుకోవడంతో ఆ ప్లేస్ లోకి శ్రీలీలను తీసుకున్నారు. అయితే, ఇప్పుడు ఈ మూవీ కోసం శ్రీలీల దాదాపు రూ.2కోట్లు డిమాండ్ చేస్తున్నట్లు సమాచారం. ప్రస్తుతం ఆమె చేస్తున్న అన్ని సిమాలకు రూ.కోటి లోపే రెమ్యూనరేషన్ తీసుకుందట. కానీ, ఇప్పుడు డిమాండ్ పెంచినట్లు తెలుస్తోంది.

ఇదిలా ఉండగా, ప్రస్తుతం పదికి పైగా సినిమాల్లో నటిస్తోంది. మహేష్ గుంటూరు కారంలో సెకండ్ హీరోయిన్ గా తీసుకోగా, ఇప్పుడు మొయిన్ హీరోయిన్ గా మారిపోయింది. మరోవైపు రామ్ హీరోగా, బోయపాటి డైరెక్షన్ లో వస్తున్న సినిమాలోనూ హీరోయిన గా శ్రీలీలే నటిస్తోంది.

బాలకృష్ణ భగవంత్ కేసరిలోనూ శ్రీలీల ప్రధాన పాత్రలో నటిస్తోంది. యంగ్ హీరో వైష్ణవ్ తేజ్ ఆదికేశవ లోనూ శ్రీలీల హీరోయిన్ కావడం విశేషం. ఇంకా, మరో ఇద్దరు యంగ్ హీరోల సినిమాల్లోనూ ఆమెనే ఎంచుకున్నట్లు వార్తలు వస్తున్నాయి. మరీ ఇంత డిమాండ్ ఉన్నప్పుడు, రేటు పెంచడంలో ఎలాంటి తప్పు లేదు అని కొందరు అభిప్రాయపడుతుండటం విశేషం.