బాలీవుడ్‌లో శ్రీలీలకి అంత తక్కువా..?

టాలీవుడ్‌లో మోస్ట్‌ బిజీ హీరోయిన్‌గా సినిమాలు చేస్తున్న శ్రీలీల ఇటీవలే కోలీవుడ్‌ సినిమాల్లోనూ అవకాశాలు దక్కించుకుంది. ఈమధ్య కాలంలో శ్రీలీల జోరు మామూలుగా లేదు. ఈ అమ్మడు చేసిన సినిమాల్లో ఎక్కువ శాతం సక్సెస్ రేటు ఉండటంతో లక్కీ బ్యూటీ అనే పేరును సొంతం చేసుకుంది. అల్లు అర్జున్‌తో కలిసి పుష్ప 2 లో వేసిన కిస్సిక్ డాన్స్‌తో ఫ్యాన్స్ ఫిదా అయ్యారు. ఆకట్టుకునే అందంతో పాటు మంచి డాన్సర్‌గా ఈ అమ్మడికి మంచి గుర్తింపు దక్కడంతో మరిన్ని సినిమాల్లో ఆఫర్లు వస్తున్నాయి. అన్ని భాషల సినిమా ఇండస్ట్రీలో ఈ అమ్మడు చేస్తున్న సినిమాల సంఖ్య చాలా ఉన్నాయి. తాజాగా బాలీవుడ్‌లోనూ ఈ అమ్మడు అడుగు పెట్టేందుకు రెడీ అయింది.

బాలీవుడ్ యంగ్‌ హీరో కార్తీక్ ఆర్యన్‌ హీరోగా రూపొందబోతున్న ఒక సినిమాలో శ్రీలీలను ఎంపిక చేశారనే వార్తలు వస్తున్నాయి. మొదట ఆ పాత్రకు యానిమల్ బ్యూటీ త్రిప్తి డిమ్రిని ఎంపిక చేశారు. కానీ ఆ పాత్రలో త్రిప్తి కంటే శ్రీలీల అయితే బాగుంటుంది అనే ఉద్దేశంతో మేకర్స్‌ ఈ నిర్ణయానికి వచ్చారు అంటూ హిందీ సినీ వర్గాల ద్వారా సమాచారం అందుతోంది. టాలీవుడ్‌లో వరుసగా సినిమాలు చేస్తున్న ఎంతో మంది హీరోయిన్స్ బాలీవుడ్‌లో ఒక్క అవకాశం అంటూ ఎదురు చూస్తూ ఉంటారు. అలాంటిది శ్రీలీల వెయిట్‌ చేయకుండానే బాలీవుడ్‌లో నటించే అవకాశం దక్కింది. ముందు ముందు బాలీవుడ్‌లో ఈ అమ్మడు ఫుల్‌ బిజీ అయ్యే అవకాశాలు ఉన్నాయి.

శ్రీలీల బాలీవుడ్‌లో మొదటి సారి నటించబోతున్న నేపథ్యంలో ఆమె పారితోషికం గురించి ఆసక్తికర ప్రచారం జరుగుతోంది. పుష్ప 2 సినిమాలో కిస్సిక్‌ సాంగ్‌ను చేసేందుకు గాను శ్రీలీల ఏకంగా రూ.2 కోట్ల పారితోషికం తీసుకుంది. అలాంటిది బాలీవుడ్‌లో సినిమాకు రూ.4 కోట్ల పారితోషికం అందుకుంటూ ఉంటుందని అంతా భావిస్తున్నారు. కానీ విశ్వసనీయంగా అందుతున్న సమాచారం ప్రకారం శ్రీలీల తన మొదటి హిందీ సినిమాకు గాను కేవలం రూ.1.75 కోట్లను మాత్రమే పారితోషికంగా అందుకుంటుందట. మొదటి హిందీ సినిమా కావడంతో ఈ అమ్మడికి పారితోషికం తక్కువ ఇస్తున్నారని టాక్‌ వినిపిస్తుంది.

ప్రస్తుతం టాలీవుడ్‌లో రెండు కోట్లకు తగ్గకుండా పారితోషికం తీసుకుంటూ సినిమాలు చేస్తున్న శ్రీలీల బాలీవుడ్‌లో మాత్రం ఎందుకు తక్కువకు సినిమాలు చేసేందుకు ఒప్పుకుంటుంది అంటూ కొందరు ఆమె ఫ్యాన్స్ అసంతృప్తి వ్యక్తం చేస్తున్నారు. కార్తీక్‌ ఆర్యన్‌తో చేస్తున్న సినిమా హిట్‌ కొడితే వెంటనే శ్రీలీల తన పారితోషికంను డబుల్‌ చేసే అవకాశాలు ఉన్నాయని, ఆ ఉద్దేశంతోనే శ్రీలీల ఈ నిర్ణయం తీసుకుంది అంటూ ఇండస్ట్రీ వర్గాల వారు కామెంట్స్ చేస్తున్నారు. బాక్సాఫీస్ వద్ద భారీ విజయాన్ని సొంతం చేసుకున్న సినిమాలతో టాప్‌ హీరోయిన్‌గా టాలీవుడ్‌లో నిలిచిన శ్రీలీల త్వరలో కోలీవుడ్‌, బాలీవుడ్‌లోనూ సక్సెస్‌లతో తన సత్తా చాటేనా చూడాలి.