ఈ రొటీన్ స్టఫ్ ఇక చాలు శ్రీలీల..

పెళ్లి సందడి సినిమాతో ఒక్కసారిగా లైమ్ లైట్ లోకి వచ్చింది కన్నడ బ్యూటీ శ్రీలీల. ఆ మూవీ పెద్దగా ఆకట్టుకోకపోయినా.. ఈ చిన్నది అందానికి మాత్రం ఫుల్ క్రేజ్ వచ్చింది. టాలీవుడ్ లో వరుస ఆఫర్లు అందుకుంది. చేతి నిండా సినిమాలతో మోస్ట్ బిజీయెస్ట్ హీరోయిన్ గా మారింది.

2022లో రవితేజతో చేసిన ధమాకా మూవీతో ఫస్ట్ బిగ్ హిట్ అందుకుందీ అమ్మడు. ఆ తర్వాత 2023 అంతా బిజీబిజీగా గడిపింది. భగవంత్ కేసరి, స్కంద, ఎక్స్ట్రాడనరీ మ్యాన్, ఆదికేశవ సినిమాలు చేసింది. ఓ వైపు చదువుకుంటూ.. మరోవైపు షూటింగ్ కంప్లీట్ చేసింది. అయితే వరుస సినిమాలతో హిట్లు కొడదామనుకున్న ఈ బ్యూటీకి నిరాశే ఎదురైంది.

భగవంత్ కేసరి సూపర్ హిట్ అయినప్పటికీ.. అందులో ఆమెకు పెర్ఫార్మన్స్ పరంగా పేరొచ్చింది. కానీ బాలయ్యతో పాటు స్టోరీ హైలైట్స్ వల్ల ఈ చిన్నదానికి ఆశించిన స్థాయిలో అభినందనలు రాలేదు. ఇక ఆమె ఇటీవలే మెయిన్ హీరోయిన్ గా నటించిన గుంటూరు కారం నిన్ననే విడుదలైంది. సినిమా రిపోర్ట్స్ పక్కన పెడితే.. వసూళ్లు బాగానే వస్తున్నాయి.

అయితే ఈ మూవీ ప్రీరిలీజ్ ఈవెంట్ లో శ్రీలీలతో డ్యాన్స్ విషయంలో మహేశ్ చేసిన కామెంట్లు వైరలైన విషయం తెలిసిందే. ఇక స్టార్ దర్శకుడు త్రివిక్రమ్ కూడా ఈ మూవీలో శ్రీలీల డ్యాన్స్ కే ఎక్కువ ఇంపార్టెన్స్ ఇవ్వడం ఆసక్తి రేపుతోందని నెటిజన్లు చెబుతున్నారు. ఆమె యాక్షన్ కన్నా డ్యాన్స్ తోనే అదరగొట్టిందని అంటున్నారు.

కానీ శ్రీలీల.. కేవలం డ్యాన్సుతోనే కెరీర్ కొనసాగించడం కష్టమని కామెంట్లు చేస్తున్నారు. గొప్పగా చెప్పుకునే పాత్రలు చేయాలని.. అప్పుడే స్టార్ హీరోయిన్ల సరసన చోటు దక్కించుకుంటుందని అంటున్నారు. ఇకపై సినిమాల ఎంపిక విషయంలో ఆచితూచి అడుగులు వేయాలని సూచిస్తున్నారు. ఓన్లీ డ్యాన్సులే చేస్తే ప్రేక్షకులకు బోర్ కొట్టేస్తుందని అంటున్నారు. ఆదికేశవ, ఎక్స్ ట్రార్డినరీ మ్యాన్, స్కందలో ఇదే జరిగిందని చెబుతున్నారు.

గ్లామర్ ఉన్నా.. ఛాలెంజింగ్ రోల్స్ చేస్తేనే ఇండస్ట్రీలో దూసుకెళ్లొచ్చని చెబుతున్నారు. ప్రస్తుతం ఆమె చేతిలో పవన్ ఉస్తాద్ భగత్ సింగ్ తోపాటు విజయ్ దేవరకొండ సినిమాలు ఉన్నాయి. ఈ రెండు సినిమా షూటింగ్ లు కొన్ని కారణాల వల్ల హౌల్డ్ లో ఉన్నాయి. దీంతో నెక్స్ట్ సినిమాల ఎంపికలో శ్రీలీల ఎలా వ్యవహరిస్తుందో చూడాలి.