శ్రీ‌లీల‌తో ఏం వండి వారుస్తున్నావ్ మ‌హా ప్ర‌భో!
తాజాగా శ్రీలీల ఫోటోగ్రాఫ్ ఒక‌టి అంత‌ర్జాలంలో వైర‌ల్ గా మారింది. ఇందులో ప్ర‌ముఖ ద‌ర్శ‌కుడు కూడా ఉన్నారు.
By: Tupaki Desk | 9 Jun 2024 2:35 PM GMT
తెలుగు గాళ్స్ లో శ్రీలీల ట్యాలెంట్ గురించి ఎంత చెప్పినా త‌క్కువే. మాలీవుడ్ అమ్మాయిల తాకిడికి త‌ట్టుకుని నిల‌బ‌డే సామ‌ర్థ్యం ఉన్న న‌టిగా శ్రీలీలకు గుర్తింపు ఉంది. అద్భుత‌మైన న‌ట‌న, డ్యాన్సుల‌తో ఎన‌ర్జీతో క‌ట్టి ప‌డేసే శ్రీలీలకు ఇరుగు పొరుగు భాష‌ల్లోను భారీ అవ‌కాశాలొస్తున్నాయి. అయితే ఎక్క‌డ ఎన్ని అవ‌కాశాలొచ్చినా త‌న ఆప్ష‌న్ మాత్రం తెలుగు ప‌రిశ్ర‌మ మాత్ర‌మే. ఇక్క‌డ పేరున్న హీరోలు, ద‌ర్శ‌కుల సినిమాల్లో అవ‌కాశాలొస్తే అస్స‌లు వ‌దిలిపెట్ట‌డం లేదు.
తాజాగా శ్రీలీల ఫోటోగ్రాఫ్ ఒక‌టి అంత‌ర్జాలంలో వైర‌ల్ గా మారింది. ఇందులో ప్ర‌ముఖ ద‌ర్శ‌కుడు కూడా ఉన్నారు. ఈ ఫోటో ఎక్క‌డి నుంచి వ‌చ్చింది? అంటే.. ఇటీవల శ్రీలీల అమెరికా నుంచి హైదరాబాద్‌కు వచ్చి ఓ యాడ్‌ షూట్‌లో పాల్గొంది. ఈ టీవీ ప్రకటనకు హను రాఘవపూడి దర్శకత్వం వహించారు. దీనిపై కొన్ని నెల‌ల క్రిత‌మే క‌లిసి ప‌ని చేసారు. అయితే శ్రీ‌లీల‌ను ప్రభాస్ తో సినిమా కోసం హను ఎంపిక చేసి ఉండొచ్చ‌నే ఊహాగానాలు సాగాయి. కానీ అది నిజం కాద‌ని తెలుస్తోంది. ప్రభాస్ సినిమాకి సంబంధించి క్లాసిక్ డే సెట‌ప్ ప్లాన్ చేసినా కానీ, కొత్త హీరోయిన్‌ని పరిచయం చేయవచ్చు కానీ ఇప్పటికే స్థిరపడిన హీరోయిన్‌లను ఎంపిక చేయక‌పోవ‌చ్చ‌ని కూడా ఒక అంచ‌నా.
ఒక‌వేళ ప్రభాస్ తో ఛాన్స్ మిస్స‌యినా కానీ, మాస్ మ‌హారాజా ర‌వితేజ క‌థానాయ‌కుడిగా `సామజవరగమన` ఫేమ్, భాను బొగ్గరపు(ర‌చ‌యిత) తెర‌కెక్కించే సినిమాలో శ్రీలీల అవ‌కాశం అందుకుంది. విజయ్ దేవరకొండ- సితార ఎంట‌ర్ టైన్ మెంట్స్ మూవీ దేవరకొండ 12వ సినిమాలోను న‌టించ‌నుందని క‌థ‌నాలొచ్చినా కానీ శ్రీలీల కొన్ని కార‌ణాల వ‌ల్ల దాని నుంచి వైదొలిగింది. ఇప్పుడు మ‌రో మూవీ కోసం శ్రీలీల కాల్షీట్ల‌ను సితార సంస్థ ఉప‌యోగించుకోనుంద‌ని స‌మాచారం. మ‌రోవైపు శ్రీలీలకు త‌మిళం, మ‌ల‌యాళం నుంచి ఆఫ‌ర్లు వ‌స్తున్నాయ‌ని తెలుస్తోంది. వాటికి సంబంధించిన వివరాలు వెల్ల‌డి కావాల్సి ఉంది.
