భగవంత్‌ కేసరి లో శ్రీలీల మరో పల్సర్‌ బైక్ డాన్స్

నందమూరి బాలకృష్ణ ప్రస్తుతం అనిల్ రావిపూడి దర్శకత్వం లో 'భగవంత్‌ కేసరి' సినిమాలో నటిస్తున్న విషయం తెల్సిందే. ఈ సినిమాలో హీరోయిన్‌ గా కాజల్ అగ్వాల్‌ నటిస్తుండగా, బాలయ్య కూతురు పాత్రలో శ్రీలీల కనిపించబోతుందట. శ్రీలీల పాత్రకు చాలా ప్రాముఖ్యత ఉంటుందని... ముందుగా అనుకున్నదాని కంటే కూడా ఆ తర్వాత స్క్రిప్ట్‌ మార్క్ ఆమె పాత్ర నిడివి పెంచారని తెలుస్తోంది.

ప్రస్తుతం రామోజీ ఫిల్మ్‌ సిటీ లో జరుగుతున్న ఈ సినిమా షూటింగ్ ను త్వరలో ముగియబోతున్నట్లుగా తెలుస్తోంది. ఇక ఈ సినిమా లో శ్రీలీల మాస్‌ డాన్స్ చేయబోతున్నట్లుగా తెలుస్తోంది. ఆమె గత చిత్రం ధమాకా లో రవితేజ తో కలిసి పలు పాటల్లో మాస్ డాన్స్ తో అలరించింది.

ముఖ్యంగా పల్సర్ బైక్ పాటలో రవితేజ ను డామినేట్‌ చేసినట్లుగా డాన్స్ చేసిందనే టాక్‌ వినిపించింది.

'భగవంత్ కేసరి' సినిమా కోసం కూడా ఒక మాస్ సాంగ్ లో శ్రీలీల కనిపించబోతున్నట్లుగా తెలుస్తోంది. ఆ పాటలో బాలకృష్ణ మరియు కాజల్ అగర్వాల్‌ కూడా కనిపించబోతున్నారు.

వారిద్దరిని డామినేట్‌ చేసే విధంగా శ్రీలీల డాన్స్ ఉండటం ఖాయం అంటూ ఆమె అభిమానులు సోషల్ మీడియాలో చాలా ఆసక్తిగా ఎదురు చూస్తున్నారు.

మాస్ డాన్స్ లతో అదరగొట్టే శ్రీలీల మరోసారి భగవంత్ కేసరి సినిమాలోని పాటతో కన్నుల విందు చేయడం ఖాయంగా కనిపిస్తుంది. ఆకట్టుకునే అందం తో పాటు డాన్స్ లో మంచి ప్రతిభ కారణంగా వరుస సినిమాల్లో ఛాన్స్ లు దక్కించుకుంటున్న శ్రీలీల బాలయ్య కూతురు గా మరింత మంది ప్రేక్షకులకు చేరువ అయ్యే అవకాశాలు కనిపిస్తున్నాయి.