లీల మీద కారం లేదు మమకారం కూడా లేదు..!

తెలుగు హీరోయిన్ శ్రీ లీలకి అదేంటో అదృష్టం దురదృష్టం రెండు ఒకేసారి వచ్చాయి. పెళ్లిసందడితో ఎంట్రీ ఇచ్చి ధమాకాతో హిట్ కొట్టి వరుసగా ఏడెనిమిది సినిమా ఛాన్స్ లు అందుకున్న లీల టాలీవుడ్ లక్కీ హీరోయిన్ గా క్రేజ్ తెచ్చుకుంది. అయితే అలా సినిమాలు నటిస్తే సరిపోతుందా అవి సక్సెస్ అవ్వాలి కదా. వరుస సినిమాలు ఫ్లాప్ అవుతూ వచ్చి అమ్మడి కెరీర్ గ్రాఫ్ పడిపోయేలా చేశాయి. స్కంద, ఎక్స్ ట్రాడినరీ మ్యాన్, ఆదికేశవ ఇలా వరుస ఫ్లాపులు అమ్మడికి షాక్ ఇచ్చారు. మధ్యలో భగవంత్ కేసరి హిట్ అయినా సరే లాభం లేకుండా పోయింది.

ఇక సంక్రాంతికి వచ్చిన గుంటూరు కారం పర్వాలేదు అనిపించుకున్నా సరే ఆ సినిమా క్రేజ్ ఇమేజ్ అంతా కూడా సూపర్ స్టార్ మహేష్ ఖాతాలో పడింది. గుంటూరు కారంలో రమణ పాత్ర వల్లే సక్సెస్ అందుకుందని అందరికీ తెలిసిందే. సినిమాలో అమ్ము పాత్రలో శ్రీ లీల జస్ట్ ఓకే అనిపించింది. ఇంకా చెప్పాలంటే ఆ సాంగ్స్ లో డ్యాన్స్ చేయడానికి మాత్రమే అన్నట్టు ఉంది. అందుకే లీల మీద ఏడాది క్రితం వెంట పడ్డ దర్శక నిర్మాతలు ఇప్పుడు ఆమెను లైట్ తీసుకుంటున్నారు.

అంతేకాదు రీసెంట్ గా ఒక సినిమా కోసం నిర్మాత ఆమెకు అడ్వాన్స్ గా అమౌంట్ ఇవ్వగా ఇప్పుడూ ఆమెను కాదని వేరే హీరోయిన్ ని తీసుకోవాలని అనుకుంటున్నాడట. ఇదో రకంగా శ్రీ లీలకు డ్యామేజ్ కలిగించే విషయమే అని చెప్పొచ్చు. రెండు సినిమాలే స్టార్ డం తెచ్చుకుని వరుస సినిమాల ఫ్లాప్ తో అదే స్పీడ్ లో పడిపోయింది అమ్మడు.

అందుకే కెరీర్ విషయంలో కాస్త జాగ్రత్త పడాలని అనుకుంటుంది. శ్రీలీల తీసుకోవాలనుకుంటున్న గ్యాప్ కూడా అందుకోసమే అన్నట్టు తెలుస్తుంది. మరి శ్రీ లీల ఈ టైం లో ఎలాంటి సినిమాలు చేయాలి.. కథల విషయంలో ఎలాంటి జాగ్రత్తలు తీసుకోవాలనే డెసిషన్ ని బట్టే అమ్మడి ఫ్యూచర్ ఆధారపడి ఉంది. శ్రీ లీల తిరిగి ఫాం లోకి రావాలని ఆమె డ్యాన్స్ ని ఇష్టపడే ఫ్యాన్స్ ఆశిస్తున్నారు. ప్రస్తుతం శ్రీ లీల చేతిలో ఉస్తాద్ భగత్ సింగ్ ఒక్కటే ఉంది. ఆ సినిమా ఎప్పుడు వస్తుంది అన్నది చెప్పడం కష్టం. అయితే ఈలోగా శ్రీ లీల సినిమాలకు కొంత గ్యాప్ ఇచ్చి ఈసారి హిట్ సినిమా కథతో రావాలని అనుకుంటుంది.