బాలయ్య చేతిలో శ్రీలీల ఫ్యూచర్..?

పెళ్లిసందడి తో టాలీవుడ్ ఎంట్రీ ఇచ్చిన శ్రీ లీల ధమాకాతో సూపర్ హిట్ అందుకుంది. ఆ తర్వాత దాదాపు ఏడు ఎనిమిది సినిమాల దాకా అవకాశాలు అందుకుంది. అయితే రీసెంట్ గా రామ్ తో స్కంద సినిమాతో ప్రేక్షకుల ముందుకు వచ్చిన శ్రీ లీల ఆ సినిమాతో ఫస్ట్ షాక్ చూసింది. స్కంద లో శ్రీలీల ఎందుకు చేసింది అన్న డౌట్ వచ్చేలా చేసుకుంది. అయితే మరో నాలుగు రోజుల్లో శ్రీలీల మరో సినిమాతో ప్రేక్షకుల ముందుకు వస్తుంది. బాలకృష్ణ హీరోగా వస్తున్న భగవంత్ కేసరి సినిమాలో అమ్మడు నటించింది.

సినిమాలో విజ్జి పాప పాత్రలో శ్రీ లీల నటించింది. సినిమా కథ మొత్తం ఆమె చుట్టే తిరుగుతుంది. ధమాకా హిట్ అయినా స్కంద ఫ్లాప్ అవడంతో శ్రీ లీల భవిష్యత్ అంతా కూడా భగవంత్ కేసరి మీద ఆధారపడి ఉంది. ఈ సినిమాతో శ్రీ లీల హిట్ కొడితే మళ్లీ ఆమె హిట్ సెంటిమెంట్ కొనసాగించే అవకాశం ఉంటుంది. ఒకవేళ భగవంత్ కేసరి అటు ఇటైతే మాత్రం ఆ ఎఫెక్ట్ కచ్చితంగా శ్రీ లీల రానున్న సినిమాల మీద ఉంటుందని చెప్పొచ్చు.

సినిమాల సెలక్షన్ విషయంలో తన మార్క్ చూపించాలని చూస్తున్నా సరే డ్యాన్సులతో ఆడియన్స్ ను మెస్మరైజ్ చేస్తుంది. భగవంత్ కేసరి హిట్ పడితే శ్రీ లీల మళ్లీ తిరిగి ఫాంలోకి వచ్చినట్టే అని చెప్పొచ్చు. భగవంత్ కేసరి తర్వాత వైష్ణవ్ తేజ్ తో ఆదికేశ్వా, మహేష్ తో గుంటూరు కారం, నితిన్ తో ఎక్స్ ట్రా ఆర్డినరీ మ్యాన్ సినిమాలు చేస్తుంది శ్రీ లీల.

ఈ సినిమాలతో పాటుగా పవన్ కళ్యాణ్ ఉస్తాద్ భగత్ సింగ్ లో కూడా శ్రీ లీల నటిస్తుంది. ఈ సినిమాలన్నీ కూడా శ్రీ లీల క్రేజ్ ను పెంచే అవకాశం ఉంటుంది. కన్నడలో కెరీర్ మొదలు పెట్టినా తన ఫ్యూచర్ మొత్తం టాలీవుడ్ లోనే ప్లాన్ చేసిన శ్రీ లీల కథల విషయంలో ఆచి తూచి అడుగులేస్తే మాత్రం తనని ఆపడం ఎవరి వల్లా కాదు. ఇప్పటికే రెమ్యునరేషన్ విషయంలో శ్రీ లీల భారీగా వసూళ్లు చేస్తుండగా ఈ సినిమాలు హిట్ అయితే ఆమె డిమాండ్ మరింత పెరిగే ఛాన్స్ ఉంది.