బిగ్ బాస్ హౌస్‌లో నాగ్‌తో కలిసి..

ఈ వారాంతం బిగ్ బాస్ హౌస్‌ మరింత ఉత్కంఠ రేపడానికి సిద్ధంగా ఉంది. ఆదివారం ప్రసారం కానున్న బిగ్ బాస్ తెలుగు స్పెషల్ ఎపిసోడ్‌లో భగవంత్ కేసరి మూవీ నుంచి విజ్జి పాపా శ్రీలీల.. దర్శకుడు అనిల్ రావిపూడి కనిపించనున్నారు. బిగ్ బాస్ తెలుగు హోస్ట్ నాగార్జునతో శ్రీలీల -అనిల్ రావిపూడి ఇంటరాక్ట్ అవుతున్న కొన్ని తెర వెనుక ఫోటోలు ఇంటర్నెట్‌లో హల్ చల్ చేస్తున్నాయి. శ్రీ‌లీల ల‌వబుల్ లుక్స్ యూత్ లోకి దూసుకెళ్లాయి. భగవంత్ కేసరి ప్రమోషన్స్‌లో భాగంగా ఈ ద్వయం హౌస్‌మేట్స్ ప్రేక్షకులతో కూడా సంభాషించడం ఆస‌క్తిక‌రం.

ఎన్బీకే క‌థానాయ‌కుడిగా, కాజల్ అగర్వాల్ - అర్జున్ రాంపాల్ ప్రధాన పాత్రలలో నటించిన `భగవంత్ కేసరి` చిత్రాన్ని షైన్ స్క్రీన్స్ బ్యానర్‌పై సాహు గారపాటి -హరీష్ పెద్ది నిర్మించారు. ఈ చిత్రానికి థమన్ సంగీత స్వరకర్త. అక్టోబర్ 19న థియేటర్లలోకి తీసుకురావడానికి ప్లాన్ చేస్తున్నారు.

శ్రీ‌లీల పాత్ర కీల‌కం:

నందమూరి బాలకృష్ణ నటించిన `భగవంత్ కేసరి` చిత్రం దసరా కానుకగా అక్టోబర్ 19న విడుదల కానుంది. అనిల్ రావిపూడి దర్శకత్వం వహించిన ఈ సినిమాలో శ్రీలీల పాత్ర చాలా కీల‌కం. బాల‌య్య బాబు కూతురిగా శ్రీ‌లీల అభిన‌యానికి సెంట్ ప‌ర్సంట్ క్రిటిక్స్ నుంచి మార్కులు ప‌డ‌తాయ‌ని చిత్ర‌బృందం చెబుతోంది. ముఖ్యంగా ఇందులో బాల‌య్య‌బాబు- శ్రీ‌లీల మ‌ధ్య సెంటిమెంట్ స‌న్నివేశాలు, ఛాలెంజింగ్ సీన్స్ అద్భుతంగా వ‌ర్క‌వుట‌య్యాయ‌నేది టాక్. డైలాగ్స్, యాక్షన్, కామెడీ, భావోద్వేగాల స‌మ్మేళ‌నంగా ఈ చిత్రం ఉంటుంది. సెన్సార్ బోర్డ్ నుండి U/A సర్టిఫికేట్ పొందింది. ఇది పెద్దలు పిల్లలు చూడ‌గ‌లిగే క్లీన్ యు మూవీ.

శ్రీ‌లీల త‌దుప‌రి గుంటూరు కారం, ఉస్తాద్ భ‌గ‌త్ సింగ్ లాంటి భారీ చిత్రాల్లో న‌టించ‌నుంది. మ‌హేష్‌, ప‌వ‌న్ క‌ల్యాణ్ లాంటి స్టార్ల స‌ర‌స‌న చాలా త‌క్కువ ఏజ్ లో అవ‌కాశం అందుకున్న బ్యూటీగా శ్రీ‌లీల పేరు మార్మోగ‌నుంది. అలాగే ఎక్స్ ట్రార్డిన‌రీ మేన్, ఆది కేశ‌వ చిత్రాల్లోను శ్రీ‌లీల న‌టిస్తోంది.