కోలీవుడ్ లో శ్రీ లీల గ్రాండ్ ఎంట్రీ.. అక్కడైనా లక్ దక్కుతుందా..

రాఘవేంద్రరావు దర్శకత్వంలో పెళ్లి సందడి చిత్రంతో శ్రీ లీల తెలుగు సినీ ఇండస్ట్రీలో అడుగుపెట్టింది. రవితేజ ధమాకా చిత్రంతో మంచి సక్సెస్ తన ఖాతాలో వేసుకొని ఆ తర్వాత వరుస సినిమాలతో బిజీ అయిపోయింది ఈ బ్యూటీ. ఒక సంవత్సరం పాటు ఏ సినిమాలో చూసినా శ్రీ లీలే కనిపించింది. అయితే ఆ తర్వాత ఒక్క సినిమా కూడా చేయకుండా ఆ సైలెంట్ గా ఉంది.

ఈ ముద్దుగుమ్మ తెరపై కనిపించి ఎనిమిది నెలలు గడుస్తున్న ఎప్పటికప్పుడు వార్తల్లో వైరల్ అవుతూనే ఉంటుంది. అమ్మడి డాన్సులు, హైపర్ యాక్టివిటీ ఆడియన్స్‌ని ఫిదా చేశాయి. యూత్ లో శ్రీలీలకు ప్రత్యేకమైన గుర్తింపు రావడంతో కుర్ర హీరోల దగ్గర నుంచి ఏజ్ బార్ హీరోల వరకు ఆమెతో సినిమాలు చేయడానికి రెడీ అయిపోయారు. వరుస క్రేజీ ఆఫర్లతో శ్రీ లీల సినిమాలు చేయడంతో ఆమెకు మించిన లక్కీ హీరోయిన్ లేదు అన్న భావన కలిగింది.

కానీ పాపం అక్కడే ఈ బ్యూటీ లక్ పూర్తిగా అడ్డం తిరిగింది. ఆమె వరుసగా నటించిన చిత్రాలలో భగవంత్ కేసరి బాక్సాఫీస్‌ను షేక్ చేసిన క్రెడిట్ మొత్తం బాలయ్య ఖాతాలోకి వెళ్ళిపోయింది. ఇక మిగిలిన సినిమాలు వరుసగా పోయాయి. గంపెడు ఆశలతో మహేష్ బాబుతో చేసిన గుంటూరు కారం చిత్రం కూడా చప్పబడిపోయింది. దీంతో ఒక వర్గం శ్రీ లీల‌పై పెద్ద ఎత్తున విమర్శలు కూడా చేశారు.

శ్రీ లీల ఖాతాలో ఉన్న పవన్ కళ్యాణ్ ఉస్తాద్ భగత్ సింగ్ చిత్రంపై ఆమె ఆశలన్నీ పెట్టుకుని ఉంది. అయితే వస్తుందో రాదో కూడా తెలియని ఈ చిత్రం ఎంతవరకు ఆమెకు సక్సెస్ అందిస్తుందో తెలియదు. పైగా ఈ మూవీ డైరెక్టర్ హరీష్ శంకర్ తాజాగా ఎటువంటి కాంట్రవర్సీలో ఇరుక్కున్నారో అందరికీ తెలుసు. ఈ నేపథ్యంలో ఈ బ్యూటీ పక్క భాషలలో సెటిల్ అవ్వడానికి ట్రై చేస్తోంది.

అందుకే కోలీవుడ్ వైపు వెళ్లడానికి శ్రీ లీల రెడీగా ఉన్నట్లు తెలుస్తోంది. ఇప్పటికే అమ్మడికి అక్కడ నుంచి కొన్ని ఆఫర్స్ కూడా వచ్చాయట. ఎన్ని ఆఫర్స్ వచ్చినా ఆచితూచి మరి ఓ బంపర్ ఆఫర్‌ను శ్రీ లీల తన ఖాతాలో వేసుకుంది. ఆకాశం నీ హద్దురా అనే మూవీతో మూవీ లవర్స్‌ను మెస్మరైజ్ చేసిన సుధా కొంగర దర్శకత్వంలో శ్రీలీల సినిమా చేయబోతోంది అని టాక్.

ఇక ఈ మూవీలో శ్రీ లీల హీరో శివ శివకార్తికేయన్‌తో జతకట్టనుంది. కోలీవుడ్లో శివ కార్తికేయన్‌కు మంచి డిమాండ్ ఉంది.. పైగా సుధ కొంగురు డైరెక్షన్ అంటే సినిమా హిట్ అవుతుంది అన్న టాక్ కూడా ఉంది. అతను తీసే సినిమాలలో హీరోయిన్‌కి మంచి ప్రాధాన్యత ఉండే పాత్ర ఇస్తారు. కాబట్టి ఎటు చూసినా ఈ ప్రాజెక్టు హిట్ అయితే రిలీల కోలీవుడ్‌లో సాలిడ్‌గా సెటిల్ అయిపోతుంది. కాబట్టి ఈ మూవీ ఆమెకు కోలీవుడ్‌లో పర్ఫెక్ట్ లాంచ్ అనే చెప్పొచ్చు.