ట్రోల్స్ కి శ్రీలీల రియాక్షన్‌

మహేష్ బాబు గుంటూరు కారం సినిమాలో నటించడం ద్వారా శ్రీలీల మరింత బిజీ అవ్వడం ఖాయం అని అంతా అనుకున్నారు. కానీ శ్రీలీలకు గుంటూరు కారం మిగిల్చింది ఏంటి అంటే సమాధానం లేదు. పైగా గుంటూరు కారం సినిమాలోని ఆమె సన్నివేశాలను చాలా మంది ట్రోల్‌ చేస్తున్నారు.

ఇటీవల సోషల్‌ మీడియాలో గుంటూరు కారంలోని సన్నివేశాలను షేర్ చేస్తూ శ్రీలీలను విమర్శలు చేస్తున్నారు. తాజాగా ఒక శ్రీలీల సన్నివేశంను షేర్ చేసిన నెటిజన్‌ ట్రోల్‌ చేయగా దానికి ఆమె కౌంటర్ ఇచ్చింది. అది ఉద్దేశపూర్వకంగా జరిగింది పాపా అంటూ శ్రీలీల స్పందించింది.

గుంటూరు కారం సినిమాలో శ్రీలీల డాన్స్ కి మంచి మార్కులు పడ్డాయి. అయితే నటన విషయంలో మాత్రం విమర్శలు వ్యక్తం అయ్యాయి. దర్శకుడు త్రివిక్రమ్‌ ఆమె పాత్రను సరిగ్గా రూపొందించలేదు అంటూ కొందరు కామెంట్స్ చేస్తున్నారు. మొత్తానికి శ్రీలీలకు గుంటూరు కారం కెరీర్‌ లో హెల్ఫ అయ్యిందే లేదని టాక్.

ప్రస్తుతం శ్రీలీల చేస్తున్న సినిమాల విషయానికి వస్తే పవన్ కళ్యాణ్ తో ఉస్తాద్‌ భగత్ సింగ్ లో నటిస్తోంది. అయితే ఆ సినిమా కొన్ని కారణాల సినిమాలు ఆగింది. ఇక విజయ్‌ దేవరకొండతో ఒక సినిమాను మరియు నితిన్ తో ఒక సినిమాను శ్రీలీల చేస్తుంది. ఆ సినిమాలు అయినా శ్రీలీల కెరీర్ కి మళ్లీ ఊపు తెస్తాయేమో చూడాలి.