ఫోటో స్టోరి: త‌గ్గేదేలే అంటున్న శ్రీ‌లీల‌

కథానాయికల వేగం స్వల్ప‌కాలిక‌మైన‌ది. వేగంగా ముందుకు సాగుతున్న‌ట్టు అనిపిస్తుంది కానీ ఇంత‌లోనే స్లో అయిపోతుంటారు. వరుస హిట్‌లు ఫ్లాప్‌ల ప్రభావం వీళ్ల దూకుడుపై ప‌డుతుంటుంది. దీనికి మరో కఠోర ఉదాహరణ శ్రీలీల.

కొన్ని వ‌రుస ఫ్లాపుల‌తో శ్రీ‌లీలపై ప్ర‌తికూల ప్ర‌భావం ప‌డిన‌ట్టే క‌నిపిస్తోంది. గతంలో శ్రీలీల వైపు మొగ్గు చూపిన నిర్మాతలు ఇప్పుడు వెన‌క్కి త‌గ్గుతున్నార‌ని ప్ర‌చారం ఉంది. కొన్ని నెలల వ్యవధిలో శ్రీలీల ఫేట్ ఎంత వేగంగా మారిపోయిందో చూడటం చాలా నిరుత్సాహపరుస్తుంది. ముఖ్యంగా గుంటూరు కారం విడుదలైన తర్వాత పరిస్థితి త‌ల‌కిందులైంది. వరుస సినిమాలకు కమిట్ అవుతున్న శ్రీలీల ఒక ముఖ్యమైన ప్రాజెక్ట్‌కు సంతకం చేసింది. ఈ చిత్రాన్ని ప్రముఖ బ్యానర్ తెర‌కెక్కించాల్సి ఉన్నా కానీ ఇంత‌లోనే శ్రీ‌లీల విష‌యంలో ఆలోచిస్తున్నార‌ని క‌థ‌నాలొచ్చాయి. ఫ్లాప్ హీరోయిన్ తో సినిమా చేయ‌డమా? అని ఆలోచిస్తున్న‌ట్టు క‌థ‌నాలొచ్చాయి.

అయితే కెరీర్ గురించి శ్రీ‌లీల అంత‌గా బెంగ పెట్టుకున్న‌ట్టు క‌నిపించ‌డం లేదు. త‌న ప‌నేదో తాను చేసుకుపోతున్న ఈ బ్యూటీ ప్ర‌తిభ‌కు మాత్రం మ‌చ్చ లేదు. ఈ భామ డ్యాన్సులు, న‌ట‌న ప‌రంగా ఇత‌రుల కంటే ఎక్కువ మార్కులు కొట్టేస్తోంది. దీంతో త‌న ధీమా త‌న‌కు ఉంద‌ని అంటోంది. అలాగే సోష‌ల్ మీడియాల్లోను ఎక్క‌డా త‌గ్గేదేలే! అంటూ వ‌రుస ఫోటోషూట్ల‌ను షేర్ చేస్తోంది. తాజాగా బ్లాక్ లెద‌ర్ కోట్ లో శ్రీ‌లీల ఫోజులు అంత‌ర్జాలాన్ని షేక్ చేస్తున్నాయి. అమ్మ‌డి కాన్ఫిడెన్స్ ఎంత‌మాత్రం త‌గ్గ‌లేదంటూ అభిమానులు కాంప్లిమెంట్లు ఇచ్చేస్తున్నారు. కొన్నిటికి కాల‌మే స‌మాధానం.. ఆ టైమ్ కోసం శ్రీ‌లీల ఇప్పుడు ఎదురు చూస్తోంది. మ‌రోసారి ఒకే ఒక్క బ్లాక్ బ‌స్ట‌ర్ త‌న ద‌రికి వ‌స్తే మ‌ళ్లీ సీన్ అంతా మారుతుంద‌ని శ్రీ‌లీల భావిస్తోంది.